اولوسی جرگه نینگ ایککینچی اورین باسری ینه هم سیلنمه دی

Image copyright .

اولوسی جرگه ده سیاسی قره مه قرشی لیک لر باعث حاضر گه قدر ایککینچی اورین باسری سیلنمه گن .

بیر قنچه ملت وکیل لر، اولوسی جرگه نینگ ایککینچی اورین باسری نی سیله ش اوچون، علنی سیلاولر یولگه قوییلیشی بیلن سیلنی شی طلب قیلگن لر. اما جرگه باشلیغی عبدالرووف ابرهیمی بو مسئله اوچون ایرته ملت وکیل لر بیلن صحبت قیلیب ینه هم سیلاو یولگه قوییلیشی نی بیان قیلگن.

اولوسی جرگه ایککینچی اورین باسری نینگ سیله ش اوچون حاضر گه قدر، تورت مرته سیلاو یولگه قوییلدی لیکن مذکور سیلاولر نتیجه سیز قالدی.

بوگونکی مجلس ده غزنی ملت وکیلی شاه جهان نوری، لوگر ملت وکیلی شکیلا هاشمی، هلمند ملت وکیلی نعمت الله غفاری و کوچی لرنماینده لریدن محمد نذیر احمد زی، اولوسی جرگه نینگ ایککینچی اورین باسرلیگی نینگ قولگه کیلتیریش مقصدی بیلن نامزد بولیب، هیچ بیری هم 50 جمع بیر رأی نی قولگه کیلتیره آلمه دیلر.

فاریاب ملت وکیل لریدن محمد هاشم اورتاق گه کوره، مجلس ده نصاب پوره بولمه گنی همده بعضی سیاسی قره مه قرشی لیک لر باعث حاضر گه قدر ایککینچی اورین باسر سیلنمه گن.

اونگه کوره، ایرته ده کوتیله یاتگن مجلس ده ایککینچی اورین باسر نینگ آچیق شکلده سیله ش اوچون بحث بوله دی.

بوگون کی سیلاولر، توشدن کیین گه چه دوام تارتدی. اما بیر قنچه ملت وکیل لر، علنی رأی بیریشنی یولگه قویلیشینی مجلس باشلیغیدن طلب قیلدی .

اولوسی جرگه نینگ رییسی عبدالرووف ابراهیمی ایسه، مذکور مسئله اوچون ایرته قرار آلینیشینی معلوم قیلدی.

اولوسی جرگه نینگ 16 نچی دوری ایگیرمه کون آلدین رسمی شکلده ایشگه باشله ب، حاجی عبدالقدیر ظاهر نینگ بیرینچی اورین باسر صفتیده، عبدالستار خواصی نینگ منشی صفتیده همده فرهاد عظیمی نینگ ایککینچی منشی صفتیده سیله دی. لیکن اوشه پیت دن حاضر گه قدر مذکور جرگه نیجه مرته سیلاولر یولگه قوییشی بیلن، ایککینچی معاونی نینگ سیله ش گه قادر بوله آلمه گن.