امریکا تاجرلری افغانستانده سرمایه یاتقیزماقچی

Image copyright .

امریکا قوشمه ایالت لری افغانستانده گی حربی فعالیت لرینی قیسقرتریشینی ایترایکن، اوشبو اولکه نینگ بیرگروه تاجرلری افغانستانده سرمایه یاتقیزیش مقصدی بیلن کابل گه کیلدی.

کابل گه کیلگن اوشبو هیات ایککی اولکه اره سیده تجاری علاقه لرنی کوچیتریشینی اورغولب، افغانستان نینگ منطقه اولکه لری اقتصادینی رواجی اوچون مهم ایکنینی تاکیدله دیلر.

هیات بیلن کابل گه کیلگن امریکا تجارت وزیرلیگی نینگ اورین باسری فرانسیسکو سنشیزامریکا کوچلرینی حربی فعالیت لرینی قیسقریشی بو اولکه نی اونیتیش معنی سیده ایمس لیگینی تاکیدله دی ."امریکانینگ حربی فعالیتینی قیسقریشی بومعنی ده ایمس دیرکه بیزنینگ بیرگن وعده لری میزهم کمه یه دی. بیز افغانستان گه یاردم بیریشینی ایستی میز، تا اقتصادی و سیاسی یوتوق لریگه ایریشسین، امریکا متاع لرینی بوییرده کیلتریش بیلن تجاری علاقه لرنی کوچیتره میز ، امریکا پروژه لری وخذمت لری افغانستان اقتصادینی کوچیتریب ثبات اوچون یاردم بیره دی"

اوتگن اون ییلدن بیری بیرینچی مرته دیرکه امریکا تجارلری بو اولکه ده سرمایه یاتقیزیش اوچون قیزیقه دی.

دنیا جماعت چیلگی افغانستانده کوزگه کورنرلی موجود بولگنده هم، بو اولکه ده سرمایه یاتقیزیش اوچون تورلی خیل قینچلیکلربار، اما سنشیز جنابلری موجود معمالرنی برطرف ایتیلیشی گه خوش بین."حاضرهم کوپلب معمالر موجود اما افغان لر و تجارت بیلن شغللنوچی لرنینگ اداری فساد کبی معمالربیلن جدی کوره شیشی گه مین خوشبین من. هربیراولکه ده فساد سرطان غده سیدیک اساسی معما بونگه قرشی کوره ش باشلنسین"

هرچند افغانستان گه کیلگن امریکا لیک تجارلرنی بو اولک ده قنچه سرمایه یاتقزیشی معلوم ایمس، اما اولر تورلی بولیم لر اینقسه زراعت ، قوریش کان لرنی ایشلب چیقاریش کبی عرصه لرده سرمایه یاتقزیلیشی ممکن لیگینی ایته دیلر .

افغان تجارلری هم اگرده امریکا لیک تجار لر بو اولکه ده سرمایه یاتقیزیش گه موفق بولسه مینگلب افغان لر اوچون ایش زمینه لری یره تیلیشی گه امیدبیلدیره دی.