طالبان گروهی ملامحمدعمر اورین باسری دنیادن اوتگنینی تصدیق له دی

Image copyright a

طالبان، اوشبو گروه رهبری ملامحمد عمر اورین باسری ملاعبیدالله آخند نی پاکستان قماقخانه لریدن بیریده وفات ایتگنینی تصدیق له گن.

طالبان تمانیدن ترقه تیلگن بیاناتده یازیلیشیچه ملاعبیدالله عایله سی گه ایتیب کیلگن معلومات لر اساسیده، او 2010 میلادی ییل نینگ مارچ آیده پاکستان نینگ کراچی شهریده گی قماقخانه سیده دنیادن اوتگن.

بوندن آلدین ایریم خبر واسطه لری ملاعبیدالله نینگ وفات ایتگنینی خبربیردی لیکن پاکستان وافغانستان دولت رسمیلری وطالبان تمانیدن تصدیق لنمه گن ایدی.

اوزینی طالبان گروهی سوزچیسی دیب تانشتیرگن ذبیح الله مجاهد رسانه لرده یوبارگن بیاناتیده ملا عبیدالله نینگ وفات ایتگنی حقیده شوندی دیگن:" ملا محمد عمر معاونی عبیدالله آخند نینگ یورک کسللیگی باعث قماقخانه ده وفات ایتگنی اونینگ عاییله سی گه انیق دلیل لربیلن ایتیلگن."

اما ذبیح الله مجاهد ملاعبیدالله نینگ کسللیک یاده قماقخانه ده قینالگنی سببلی هلاک بولگنی معلوم ایمس لیگینی ایتگن.

ملاعبیدالله 2007 میلادی ییل نینگ جنوری آیده پاکستان نینگ بلوچستان منطقه سیدن قولگه آلینگندی.

او، قندهار وطنداشی بولیب طالبان رهبری ملامحمد عمر بیلن یقین علاقه سی بارلیگی ایتیلرایدی.

ملاعبیدالله طالبان گروهی شکلله نیشی بیلن اوشبو گروه نینگ مهم آدم لری صفیتده تانیلبدی و 1375 . قویاش ییلی پایتخت کابل طالبان نظارتی گه اوتگنیدن سونگ طالبان مدافعه وزیری صفتیده تعین ایتیلدی . طالبان رژیمی آغدریلگنیدن سونگ، اوشبو گروه رهبری ملامحمد عمر اونینگ اوز معاونی صفتیده تنله دی.

طالبان نینگ بو مهم قوماندانی، توتیلگنیدن نیچه ییل اوتیب 2010 میلادی ییل نینگ اول گی آیی لریده ، طالبان نینگ باشقه بیر مهم نفری ملاعبدالغنی برادر و طالبان نینگ اوچینچی مهم نفری مولوی عبدالکبیر لر پاکستان امنیتی کوچلری تمانیدن قولگه آلیندی .