ایریم افغان تاجرلری جنوبی کوریا گه سفر قیلماقچی

Image copyright Getty

تشقی ایشلر وزیرلیگی گه کوره بیرگروه افغان تاجرلری یقین کیله جکده جنوبی کوریا گه سفر قیلیب،کوریا لیک بویوک شرکت لرینی افغانستان ده سرمایه یاتقزیش اوچون ترغیب ایتماقچی.

سونگی کونلرده چیت ایللیک تاجرلرنی بواولکه ده سرمایه یاتقزیش اوچون قیزیق تریش برنامه لری کوپلب یولگه قویلیب کیلماقده.

اوتگن هفته امریکا مقاملریدن بیر قوشیمچه اوشبو اولکه نینگ 12 شرکت نماینده لری کابل گه کیلیب افغان تاجرلری بیلن اوچره شگندی. شونینگ دیک اونلب ایران تاجرلر ی هم کابل گه کیلگندی.

شوندی قیزیقیش لر کوپیگنی باعث، هم افغان وهم چیت اییللیک تاجرلر ایندی لیکده بو اولکه ده سرمایه یاتقزیش اوچون یخشی زمینه لر یره تیلگندیب خرسند لیک بیلدیره دیلر.

حال بوکی چیت ایللیک کوچلر افغانستاننی ترک اتیب خلق ارا یاردم لر کولمی هم کمه یشی ممکن. بوایسه سرمایه یاتقزیش اوچون هم جدی معما توغدیریشی ممکن دیگن خواطر لر گه سبب بولگن.

شوندی بیرحالده افغانستان حکومتی آلدین دن چیت ایللیک سرمایه یاتقزوچی لراعتبارینی جلب قیلماقچی.

شو برنامه لر اساسیده ایریم افغان مقاملری وتاجرلرنینگ جنوبی کوریا گه سفرقیلیشی ریجه لنگن.

افغانستان تشقی ایشلر وزیرلیگی نینگ سوزچیسی جانان موسی زی بوحقده شوندی دیدی:"تورلی داره لردن دولتی مقاملر قوشیمچه بیرگروه هیات نینگ جنوبی کوریا گه سفرقیلیشی ریجه لندی. بو هیات کانلر نی ایشلب چیقاریش، زراعت ، تکنالوژی و مخابرات عرصه لرده سرمایه یاتقزیش اوچون زمینه لر موجودلیگینی کوریالیک تاجرلریگه اچیق لیدی. اولرنی هم قیزیقیشی ممکن، بو عرصه لرده سرمایه یاتقزیلیشی ایککی اولکه اوچون فایده لی"

رسمی معلومات لرگه کوره ،جنوبی کوریا نینگ تشقی ا یشلر وزیری اورین باسری کابل گه قیلگن سفریده افغان تاجرلرینی اوشبو اولکه گه سفر قیلیش قراری آلینگن.

اوتگن اون ییل دن بیری جنوبی کوریا افغانستان نینگ تورلی ساحه لریده یاردم بیریب کیلگن. افغان مقاملرینی ایتیشلریچه جنوبی کوریا 2011 میلادی ییلدن - 2015م ییل گه قدر 500 میلیون امریکا لیک دالر یاردم قیلشینی سوزبیرگن.

افغانستان ده سرمایه یاتقزیش اوچون سعی حرکت لر یولگه قویلیب کیلرایکن بیراق، خوف سیزلیک یمان لیگی و یخشی زمینه لر حاضرهم یره تیلمه گنی افغان تاجرلری تمانیدن جدی خواطر صتفتیده کورسه تیلماقده.