اوتگن بیر آی قهره تانده قیرق کیشی دن آرتیق هلاک بولگن

افغانستان عامه ساغلیک وزیرلیگی نینگ معلوم قیلیشیچه، اوتگن بیر آی جریانیده مملکت بویلب، 40 کیشی دن آرتیق انسان هلاک بولگن.

مذکور وزیرلیک مقام لریگه کوره، هلاک بولگن لرنینگ اکثریتی، خیمه لرگه حیات کیچیره یاتگن باله لردیر.

شونده ی بیر حالده، باله لردن حمایت ایتوچی تشکیلات یا سیف دی چیلدیرین، هم مملکت نینگ بیر قنچه حدود لریده هوا ساووق بولگنی طفیلی، کوپ گینه باله لر هلاک بولیش خطری بیلن یوزمه یوز بولگنیدن خواطر بیلدیرگن.

افغانستانده جاری قیش ده قهره تان بولگنی، اوتگن 20 ییل دن بیری سابقه سی بولمه گنی کوزه تیلگن.

خیمه لرگه حیات کیچیره یاتگن باله لرنینگ قیش فصلیده هلاک بولیشی، باله لر دن حمایت ایتوچی تشکیلات لرنینگ خواطرگه سالگن.

سیف دی چیلدیرین تشکیلاتی نینگ آگاه لنتیریشیچه، افغانستانده قهرتان ساووق دوام تارتیشی بیلن، مذکور مملکتده کوپراق تلفات یوز بیریشی ممکن.

سیف دی چیلدیرین تشکیلاتی نینگ مسوول لریگه کوره، خیمه لرگه حیات کیچیره یاتگن باله لر، یاقیلغی ماده لری همده ایسیق کیم کیچک لری بولمه گن حالده، حیات لرینی قولدن بیرمس لیک اوچون سعی قیلماقده لر. مذکور تشکیلات نینگ معلوم قیلیشیچه، بو باله لر هر تمانلمه جدی مراقبت لرگه احتیاج لری بار.

اوتگن نیچه کون جریانیده، بیر قنچه دولت و نادولت تشکیلات لر جمله دن باله لردن حمایت ایتوچی تشکیلات یا سیف دی چیلدیرین کابلده گی خیمه لرگه حیات کیچیره یاتگن انسان لرگه کییم کیچک، همده آذوق آوقت یاردم بیریشی نی باشله گن.

اما باله لردن حمایت ایتوچی تشکیلات ی"سیف دی چیلدیرین" نینگ افغانستان ده گی مسوولی، کریستین روحی یر مذکور یاردم لرنی ییترلی ایمس لیگی نی ایتیب، تلفات یوز بیریشی نی آلدینی آلیش اوچون یاردم لر دوام تارتیشی اوستیده تاکید قیله دی.

بیر قنچه معلومات لرگه کوره، حاضر، فقط کابل شهریده خیمه لرگه حیات کیچیره یاتگن اوتیز کمپ دن آرتیق موجود. مذکور کمپ لرگه ناتینچ ولایت لردن کیلگن اینگ آز 20 مینگ انسان حیات کیچیره دی. کورینیشیچه، مذکور خیمه لر انچه ساووق بولیب، هیچ قنده ی امکانیت لری هم یوق. شونده ی بیر حالده، هوا شناس لیک اداره سی ایسه، کیله سی نیچه کون هواسی قهرتان ساووق بولیشی نی پیش بین لیک قیلگن.