یولگه قوییلگن قطار ناراضلیک نمایشلر بوگون هم زوروانلیککه ایلنگن

Image copyright AFP

شمال شرقی قندوز ولایتی نینگ کسل خانه مسووللری گه کوره اوشبو ولایت ده یولگه قوییلگن ناراضلیک نمایش زوروانلیککه ایله نیب، یره لنگن ییللیک کیشی و اوچ جسد کسل خانه گه کیلتریلگن.

شونینگ دیک لغمان مرکزی، مهترلام شهری وننگرهارولایتیده هم قرآن نسخه لرینی یاندریلیشی گه قرشی ناراضلیک نمایش لر یولگه قوییلگن.

معلومات لرگه کوره،مهترلام ده هم ناراضیلیک نمایش زوروانلیککه ایله نیب، کمیده 18 کیشی یره لنگن.

قندوز ولایتی دن کیله یاتگن خبر لرگه کوره، اول ده نمایش تینچ یولگه قوییلیب نمایشچیلر یوناما دفتری اطرافیده ایتیب بارگنیدن کیین زوروانلیککه ایلنگن. ایتیلشیچه نمایش جریانیده اوقلر سیسی هم ایشیتیلگن.

سه شنبه کوندن بیری حاضرگه قدر یولگه قوییلیب کیلگن ناراضلیک نمایش لرده کمیده ایگرمه کیشی قربان بولگنی خبر قیلینگن.

جمعه کونی هرات ده بولیب اوتگن ناراضلیک نمایش ده 65 کیشی یره لنگنی خبر بیریلگندی.

هرات ولایت حاکمی سوزچیسی یره لنگن لردن 12 ته سی نی پلیس خادملری بولگنینی اورغوله گن. اونگه کوره نمایشچیلرامریکا کنسولگر لیگی گه هجوم قیلیشی نی مقصد قیلگن پیت نمایشچیلر وپلیس آره سیده آتیشمه یوزبیرگن.

شونینگ دیک جمعه کونی کابل،غزنی ، قندوز، مزارشریف، بغلان و گردیز شهرلری قوشیمچه باشقه بیرقنچه منطقه لرده قرآن شریف نسخه لرینی یاندیریلگنی گه قرشی ناراضیلیک نمایش یولگه قوییلگندی.

هرچند ناتو نینگ افغانستانده گی عمومی قوماندانی جان آلن، بیر بیانات ترقه تیب مردم نینگ صبر قیلیش گه چقیردی همده، افغانستان دولتی بیلن قرآن شریف گه حرمت سیزلیک بولگنی خصوصیده تحقیقات اوتکزیله یاگنینی ایتدی.

Image copyright AFP Getty

پنجشنبه کونی امریکا جمهورییسی باراک اوباما هم حامدکرزی گه نامه یوللب اوشبو حادثه یوزبیریشی اوچون افغانستان جمهورییسی و مردم دن عذر سوره گن.

ایریم افغان مقاملری وپارلمان اعضالریدن عبارت، قضیه نی تیکشریش اوچون تشکیل ایتیلگن هیات هم تحقیقات نتیجه سینی کرزی گه تکلیف ایتدی.

هیات ترکیبده بولگن ملت وکیلی عبدالقیوم سجادی، بی بی سی بیلن بولگن صحبتیده شوندی دیدی :" بیز بگرام ده باریب ناتو قوماندانی بیلن اوچره شدیک، امریکا کوچلری بگرام ده گی ترجمان لردن بیری نینگ معلومات بولمه گنی سبب بو حرمت سیزلیک یوزبیرگن دیب ایتدی." دیدی سجادی جنابلری.

بگرام ده گی حربی مرکز، قوماندانی حادثه عامل لرینی انیق لب اولرنی محاکمه قیلیش لرینی افغان دولتی گه سوزبیرگن.

اوتگن کونلرده عینی حادثه گه قرشی یویلگه قوییلگن ناراضیلیک نمایش لرده ایککی امریکا لیک عسکر قوشیمچه سککیز کیشی هلاک بولدی.