حامدکرزی نمایشچیلرنی آسایشته لیککه چقیردی

Image copyright Getty

جمهوررییس حامدکرزی، قرآن شریف نسخه لرینی یاندیریلگنی گه قرشی یولگه قوییلگن قطار نمایشلرنی حقلی بیلیب، بیراق نمایشچیلرنی آسایشته لیککه چقیردی.

آلتی کوندن بیری قرآن شریف نسخه لری نینگ یاندریلگنی گه قرشی افغانستان بویلب ناراضیلیک نمایش لر یولگه قوییلیب کیلرایکن،افغانستان جمهورییسی حامدکرزی نمایشچیلرنی تینچلیککه چقیردی، اما نمایشلرنی زوروانلیک لرگه ایلنگنی و ایگرمه دن ارتیق انسان نینگ هلاک بولگنیدن تاسف بیلدیردی.

کرزی جنابلری قران شریف نسخه لرینی یاندیریلگنینی تیکشریش اوچون تعین ایتیلگن هیات تحقیقاتی نتیجه سیده قران شریف یاندریلگنی قصدی بیرعمل بولمه گنی تذکر ایتیلگنینی ایتدی.

شونگه علاوه جمهورییس کرزی قرآن شریف نسخه لری امریکا حربی لریدن بیری تمانیدن یاندریلگنینی ایتدی.

شونینگ دیک حامدکرزی قرآن شریف یاندیریلگنی خصوصیده به تفصیل امریکا جمهورییسی باراک اوباما بیلن گپریشی ممکن لیگینی ایتیب،حادثه عامللری انیق له نیب محاکمه بولیشی اوچون جدی هادیم کوتاریلیشینی تاکییدله دی.

آلتی کون مقدم بگرام ده گی امریکا حربی مرکزیده قرآن شریف نسخه لری یاندیریلگنی کینگ ناراضیلیک نمایش لرگه سبب بولدی و شوپیتگه قدر یولگه قوییلگن قطار ناراضلیک نمایش لرده جمهوررییس کرزی نینگ ایتیشچه کمیده 29 نمایشچی هلاک بولیب یوزدن ارتیق انسان یره لندی.

شونگه قوشیمچه بیرقنچه دوکان و مردم ملکیت لری هم ویران ایتیلدی.

باشقه تماندن حامدکرزی اوتگن کون ایچکی ایشلر وزیرلیگی محطوطه سیده ایککی امریکا ضابطی نینگ هلاک ایتلگنیدن تاسف اظهار ایتیب حادثه نی انیق لش اوچون تیکشروی ایشلر باشلنگنینی اورغوله دی.

هرچند کرزی جنابلری بو حادثه کیم تمانیدن اویشتریلگنی حقیده هیچ نرسه ایتمه دی لیکن، ایچکی ایشلر وزیرلیگی نینگ محوطه سیده امریکا لیک لرتمانیدن قتیغ نظارت بولیب کیله یاتگن حدود ده بو حادثه یوزبیرگنینی ایتگن.