خلق ارا کابل انجمنی اوچون تیارگرلیک آلینماقده

افغانستان حکومتی کابل ده یولگه قوییلیشی کوتیله یاتگن خلق ارا انجمن توغری سیده تیارگر لیک آله یاتگنینی ایتگن. تشقی ایشلر وزیرلیگیگه کوره، افغانستان اوچون استانبول ده یولگه قوییلگن خلق ارا انجمنده بیریلگن وعده لر خصوصیده چیت مملکت لرنینگ افغانستانده گی ایلچی لری بیلن بحث قیلیش مقصدیده، بوگون کابلده بیر یغین اوتکزگن لر. جاری میلادی ییل نینگ جون آیی ده کابل انجمنی، آسیا قلبی اولکه لرتشقی ایشلر وزیرلیک لری اشتراکی بیلن خلق ارا یغین اوتکزیلیشی ریجه لنتیریلگن. خلق ارا استانبول انجمنی دن نیچه آی اوتیشی دن کیین، افغانستان حکومتی ایسه کابل انجمنی نینگ منطقه ده گی علاقه لرنینگ کینگه یتیریشی، اقتصادی و خوف سیزلیک بوییچه همکارلیک لرنینگ کوچه یتریشی مقصدیده اوتکزیشی نی معلوم قیلگن. افغانستان حکومتی گه کوره، افغانستانده تینچ سیزلیک نه فقط مذکور مملکت ده ضرر ییتکزه دی بلکه منطقه و دنیا ده گی مملکت لرنینگ هم تهدید قیله دی. تشقی ایشلر وزیرلیگی نینگ معلوم قیلیشیچه، افغانستان ده تینچ لیک نی کیلتیریشی منطقه و دنیا اولکه لری نینگ یاردم بیرمس لیک لری بیلن امکانی یوق. شونده ی بیر حالده، تشقی ایشلر وزیرلیگی نینگ سوزچیلری دن فرامز تمنا ایسه، افغانستان حکومتی ایرم بولیم لرده اوز مسوولیت لری نی یخشی شکلده بجرگنیدن سوز یوریته دی. صدا..... " ترانزیت، تجارت و اقتصاد همکارلیک لر توغری سیده افغانستان، اوزی نینگ اساسی وظیفه سی نی یخشی شکلده بجرگن. شو نینگ دیک، منطقه ده گی اولکه لر مابینیده، همکارلیک لر نینگ کینگه یتیریشیده ایشانچ کیلتیریش توغری سیده هم انچه ایشله گن." اوتگن ایککی ییل جریانیده، افغانستان مسئله لری خصوصیده، لندن، کابل، استانبول، بن همده دنیا و منطقه نینگ باشقه بیر قطار کوچلی اولکه لر یده خلق ارا تورلی انجمن لر اوتکزیلگن. شو نینگ دیک کابل، تاجکستان و جاپان ده هم جاری ییلده خلق ارا انجمن لر اوتکزیلیشی ریجه لنگن لیگی ایتیلماقده. مذکور کنفرانس لر دن اساسی مقصد، خلق ارا هم جمعیت مملکت لر بیلن قوشیمچه منطقه ده گی اولکه لر و خلق ارا تشکیلات لر تمانیدن، افغانستانده، تینچلیک نی کیلتیریش، عصیانچی لیک فعالیت لر و مخدره ماده لرگه قرشی کوره شیش همده اقتصادی رابطه لرنینگ کوچه یتیریب کینگه یتیریشی خصوصیده بحث قیلیش لری معلوم بولگن.