بیش ییل جریانیده قریب بیش ملیارد دالر افغانستان دن تشقری گه آلیب کیتیلگن

Image copyright Getty

افغانستان مرکزی بانکی، سونگی بیش ییل جریانیده قریب بیش میلیارد دالر نقد پول نینگ بو اولکه دن تشقی اولکه لرگه انتقال بیریلگنینی ایتگن.

مرکزی بانک مسووللریگه کوره، قریب بیر میلیارد دالر کابل هوا قونالغاسی وباشقه باج خانه لر آرقه تشقی اولکه لرگه آلیب چیقیلگن بو ایسه اوتگن ییلگه قره گنده ایککی برابر کوپیگنینی کورسه ته دی.

مرکزی بانک ینگی بیر قرار صادیر ایتیب، هیچ کیم ایگرمه مینگ دالر دن آرتیق نقدی پول نینگ تشقری گه آلیب چیقیشی گه حقی یوق لیگینی معلوم قیلگن.

افغانستان مرکزی بانک رییسی نورالله دلاوری بیش ییل جریانیده قریب بیش میلیارد دالر نقدی افغانستان دن تشقی اولکه لرگه آلیب چیقیلگنینی معلوم قیلگن.

"بیزنینگ خواطیر میز شو ایدی کی بیز کوردیک افغانستاندن خارج اولکه لرگه انتقال بیریله یاتگن پول ایککی برابرگه کوتاریلدی. 77 میلون دالر دن قریب ایککی میلیارد دالرگه ایتیشدی. سونگی پیتلرده، توپلم تورت نقطه التی ملیارد دالر تخمین ایتیلدی."

حاضرگه چه بوقدر مبلغ کیم لر وقندی مقصد اساسیده خارج انتقال بیریلگنی معلوم ایمس.

اما دلاوری جنابلری، وزیرلر کینکاشی فیصله سی اساسیده بو معمانی آلدینی آلیش اوچون ینگی قرار چیقاریلگنینی ایتدی. اونگه کوره بوندن بویان اوشبو قرار اساسیده، هیچ کیم ایگرمه مینگ دالردن ارتیق پولنی خارج اولکه لرده انتقال بیریش گه ایزین بیریلمیدی.

اون ییل جریانیده میلیارد لر دالر افغانستان گه تشقی یاردم چی اولکه لر تمانیدن یاردم بولگن.

یاردمچی مملکت لر بیریلگن یاردم لردن افغانستان حکومتی انیق حسابات بیریشی گه قادیر ایمس دیب ادعا قیله دی. اما یاردمچی دولت لرهم یاردم لرنی حیف میل قیلیگنی گه عیبله نیب کیلماقده.

ایتلیشچه، بو پوللرنی کوپ قسمی کتته قرارداد لرگه حیف میل بولیب باشقه قالگنی هم افغان مقاملری ونفوذلی کیشی لر چونتک لریگه کیتگنی ایتیله دی.

باشقه تمانیدن، کتته قاچاق چیلر مخدره ماده لر سوداسیدن کتته درامد قولگه کیرتیب میلیارد لر دالر بو شخص لر تمانیدن غیر قانونی شکلده چیت اولکه لرگه انتقال بیریلگنی ادعا قیلینه دی.