اولوسی جرگه، قانونی نینگ بیر ماده سی نی اوزگرتیردی

Image copyright .

افغانستان اولوسی جرگه سی ایچکی وظیفه لر قانونی نینگ بیر ماده سی نی اوزگرتیردی. مذکور اوزگریش گه بناً بوندن آلدین رد آواز آلگن نامزد وزیرلر ینه هم مجلس ده تانیشتیریلیب، اولرگه آواز بیریش اوچون رخصت بیریلگن. جمهور رییس تمانیدن اولوسی جرگه دن آواز آلیش اوچون تانیشتیریلگن 9 نامزد وزیر نینگ 7 کیشی سی پارلمان اوتگن دوریده منفی آواز آلیب، ایککی ییل دن بیری وقتینچه لیک وزیر صفتیده ایش آلیب بارریدیلر. اولوسی جرگه ایچکی وظیفه لر قانونی نینگ 76 نچی ماده سی ملت وکیل لر تمانیدن اوزگرتیریلیشی دن آلدین، مذکور جرگه دن منفی آواز آلگن نامزد وزیرلرگه توسیق بولیب قالگن ایدی. اما بوگون، ملت وکیل لر مذکور توسیق نینگ اورته دن آلیب کیتدیلر. مذکور ماده اوزگرتیریلیشی بیلن بوندن کیین منفی آواز آلگن نامزد وزیرلر، ینه هم رأی آلیش اوچون رخصت آلدیلر. اولوسی جرگه رییسی عبدالرووف ابراهیمی بونده ی دیدی: " 76 نچی ماده، پیشنهاد وزیرلر نینگ بیری جرگه تمانیدن ایشانچ آواز آله آلگن بولمسه لر، مذکور شخص اوشه دورده، ایککینچی مرته عین پُست اوچون نامزد بوله آلمه یدی. ایندی اوشه اون بیشینچی دورده گی کیشی لر اون آلتینچی دورده شامل ایمسلر. رأی آلیشگه کیته میز! مجلس ده حاضر بولگن وکیل لر سانی 180 کیشی، 5 کیشی مخالف آواز بیرگن دن تشقری، 175 کیشی مثبت آواز بیرگن. و مذکور ماده هم تعدیل بولدی." مذکور 7 نامزد وزیر اوشه زمان دن حاضر گه قدر وقتیچه لیک وزیر صفتیده ایشله ب کیلگن لر. شونده ی بیر حالده، عامه منفعت لر وزیری صفتیده تانیشتیریلگن انجنیر حبیب الله اوجن و شهرلرنی رواجلنتیریش وزیری صفتیده تانیشتیریلگن حسن عبدالهی هم بوگون مجلس ده حاضر بولیب، اوز ریجه لرینی ملت وکیل لرگه بیان قیلدیلر. ینگی طرح لر، برنامه لر و انتقادلر مذکور نامزد وزیرلرنینگ گپلرینی تشکیل بیرگن ایدی. کیله سی نیچه کون گه قدر قالگن باشقه نامزد وزیرلر هم اوز برنامه لرینی ملت وکیل لرگه ارایه قیلیب، جاری هفته نینگ سه شنبه کونی ده ملت وکیل لر تمانیدن مثبت یا ده منفی آواز آلیش اوچون یوزمه یوزبولیش لری ریجه لنگن.