عالم لر کینگاشی بیانتیده عیاللر، ایرکک لر بیلن اختلاط قیلمه یشی قیدایتیلگن

Image copyright ASCOR

افغانستان عالم لر کینگاشی عیال لرنینگ تعلیمی، تحصیلی ییرلرده شو نینگ دیک ایش خانه لرده ایرکک لر بیلن اختلاط قیلمس لیک لرینی قرار آلیب، عین موضوع نی جمهور رییس کرزی بیلن هم اورته گه قوییگن.

مذکور کینگاش ، خاتین قیزلرنی یککه لیکده سفر قیله آلمس لیک لرینی هم تاکیدله گن.

شونده ی بیر حالده جمهور لیک ریاستی سرایی ایسه عالم لر کینگاشی نینگ ترقه تگن بیاناتی دن آرقه داش لیک بیلدیرگن.

سونگی پیتلرده طالبان بیلن مذاکره الیب باریش اوچون یول یوروق لر کوریب چیقیله یاتگن پیتی بو بیانات ترقه تیلگن.

مذکور کینگاش هرچند عیال لر حق و حقوقی نینگ اسلام گه بناً ایرکک لر بیلن برابر دیب ایتگن لیکن، ترقه تگن بیاناتی ده، افغان عیال لری، ایشله یاتگن جایی لر، یاده تعلیم کوریش یا تحصیل آلیش ییرلرده ایرکک لر بیلن اختلاط قیلمس لیک لرینی تاکید له گن.

شونده ی بولسه هم، مدنی جمعیت قوریلمه لر فعال لری ایسه مملکت دینی عالم لر کینگاشی نینگ مذکور قراری نی، توغری ایمس ایکن لیگی نی بیان قیلیب، مذکور بیانات، افغان عیال لر اوستیده فشار کیلتیریش مقصدیده ترقه تیلگنی نی معلوم قیله دیلر.

عیال لر فعال لریدن خانم سایره شکیب نینگ ایتیشیچه، عیال لر ایشله یاتگن ییرلرده ایرکک لر بیلن گپله شمس لیک لری امکان سیز.

هرچند افغانستان حکومتی عیال لر خصوصیده انیق بیر مناسبت بیلدیر مه گن اما مملکت دینی عالم لر کینگاشی تمانیدن ترقه تیلگن عمومی بیانات دن آرقه داش لیک بیلدیرگن.

شونده ی بیر حالده بیر قنچه کوزه توچیلرنینگ معلوم قیلیشلریچه، افغانستان باش قانونی گه بناً عیال لر و ایرکک لر حق و حقوقی برابر دیه کورسه تیلگن. شو نینگ دیک ینه بیر قنچه تحلیل چیلر بوندن کیین افغانستان خلقی، طالبان دوریده عیال لر قرشی سیده یولگه قویله یاتگن زوراوانلیک لرنی قبول قیلمه سلیگی اوستیده تاکید قیله دیلر.