استخبارات اداره سی، اوچ ترورچی نینگ اوشله ب آلگنی دن خبر بیرگن

Image copyright AP

افغانستان ملی امنیت اداره سی، سیاسی حزب لردن بیری باشیلیغی نجیب الله کابلی نی ترور قیلیشی گه اورینگن اوچ کیشی نینگ توتیلگنینی تصدیق له دی.

امنیت اداره سینی ایتیشچه توتیلگن شخص لر دوسیه لری، قاره لاوچی اداره لریگه تاپشریلگن.

نجیب الله کابلی بوکونگی اوتکزگن مطبوعات انجمنیده، نیچه آی آلدین ترور عیبی بیلن قولگه آلینگن شخص لرنی ایران استخبارات اداره سی نینگ سعی حرکت بیلن قوییب یوباریلیشی ممکن دیگن خواطرلرنی اظهارایتگن.

عینی حالده کابلی جنابلری اوشبو ترور، ایران تمانیدن ریجه لشتریلگن بولگنینی ادعا قیلگن.

هرچند افغانستان ملی امنیت اداره سی، نجیب الله کابلی ترور قیلیشی قندی ریجه لنگنی و بو حادثه ارقه سیده کیم وقندی گروه لرنی قولی بارلیگی باره سیده معلومات بیرمیدی لیکن، اونینگ ترور ایتیشی گه عیبله نیب اوچ کیشی نینگ توتیلگنی تصدیق لیدی.

نجیب الله کابلی، بوندن آلدین ایران دولتی نینگ افغان قاچقینلرینی اوشبو اولکه دن چیقاریش و ایران نینگ افغانستان دریا لریدن تولیق فایده له نیب کیله یاتگنی گه قرشی لیک بیلدریب اوز طرفدار لری بیلن بیرگه ایران نینگ کابل ده گی کایلچی خانه سی قرشی سیده نیچه مرته ناراضلیک نمایشنی اویشترگندی.