امریکا لیک عسکرلردن بیری اون آلتی اهالینی آتیب اولدیرگن

Image copyright BBC World Service

قندهار ولایتی نینگ پنجوایی تومنیده امریکا لیک عسکرلردن بیری اینگ 16 اهالی نی آتیب اولدیرگن. محلی رسمیلر مذکور حادثه نی تصدیق لب، ینه بییش کیشی یره لنگنینی ایتگن لر.

هرچند بو عسکر عادی اهالینی اولدیرگنی دن کیین اوزینی امریکالیک کوچلریگه تاپشرگن، لیکن عسکر نینگ نیمه اوچون بو عمل گه قول اورگنی حاضرگه چه بیللی ایمس.

شونده ی بیر حالده امریکالیک منبع لریدن بیری، بی بی سی بیلن بولگن صحبتیده اوشبو حادثه گه قول اورگن عسکر نینگ روی حی کسل لیککه چلینگن بولیشی ممکن دیگن فکرنی بیلدیرگن.

قندهار ده گی محلی رسمیلر مذکور حادثه ده قربان لری عیال لر، باله لر و ایرکک لربولگنینی ایتگن لر. شو نینگ دیک اوشبو ولایتده فعالیت قیله یاتگن مخبرلرنینگ معلوم قیلیشلریچه، قندهار نینگ پنجوایی تومنی ده گی بیر قنچه اهالی مذکور حادثه گه قرشی، ناراض لیک نمایش هم یولگه قویگنلر.

شونده ی بیر حالده امریکا حربیلری بیر بیانات ترقه تیب، مذکور عسکر اوشله ب آلینگنینی معلوم قیلگن.

هرچند مذکور بیاناتده کوپراق معلومات بیریلمه گن ،لیکن مذکور حادثه قنده ی یوز بیرگنی توغری سیده ناتو و افغان رسمیلری تمانیدن تیکشیریش ایشلر باشلنگنی ایتیلگن.

امریکا لیک کوچلر مذکور حادثه یوز بیریشی آرتیدن هلاک بولگن لر عایله لریگه همدرد لیک اعلام قیلگن لیکن شونده ی بولسه هم سونگی نیچه کون مابینیده، افغانستان نینگ ایریم ولایت لریده امریکالیک لرگه قرشی کینگ ناراض لیک نمایش لر یولگه قوییلگن ایدی.

مذکور نمایش لر امریکا نینگ بگرام ده گی قماق خانه سیده قرآن کریم نسخه لری کویدیرلیشی اوچون یولگه قوییلگن ایدی.

هرچند امریکا رسمیلری افغانستان خلقی دن عذر سوره گنی یانیده مذکور حادثه قصدی ایمس ایکن لیگیگه تاکید قیلگن ایدی لیکن شونده ی بولسه هم، نیچه کون لیک ناراض لیک نمایش لر ده افغانستان بویلب اینگ آز 30 کیشی هلاک بولگن ایدی.