کرزی: قندهارده گی هجوم نینگ کیچیریب بولمه یدی

Image copyright AP

امریکا عسکری حربی قرارگاه دن چیقیب 16 عادی اهالینی اولدیرگنی اوچون، افغانستانده گی امریکا کوچلری خواطرگه توشیب، جنگ آورگه تیار بولگن لر. امریکا رسمیلری قندهار حادثه سی دن کیین، مذکور مملکت فقرا سیگه افغانستانده زیان یتکزیلیش احتمالی بارلیگی دن آگاه لنتیرگن. قندهار نینگ پنجوایی تومنیده یوز بیرگن حادثه ده گی قربان بولگن لرنینگ توقیز کیشی سی باله بولگن. شونده بیر حالده بیر کیکسه کیشی اوز عایله سی نینگ اون بیر اعضاسی اولدیریلگنی نی ایتگن. مذکور عایله ده گی انسان لر اولدیریلگن لریدن کیین، جسد لری کویدیریلگن. شو نینگ دیک اوچ باله نینگ باشیگه اوق آتیلگن. "بیزنینگ اویمیز ده هیچ کیم تیریک قالمه دی، عیال لر و باله لرنی همه سی نی اولدیریب کیتدی لر، حتی که چاقو بیلن هم اوردیلر. قره نگ حتی که سوت ایچاتگن باله میز نی هم اولدیردیلر. او ایککی نفر نی بیر عایله دن اولدیردیلر." هجومچی امریکالیک عسکر قیته دن حربی قرارگاهیگه باریب تسلیم بولگنی معلوم بولگن. مذکور حادثه دن بیر کون اوتیشی آرتیدن، افغانستان پارلمان اعضالری اعتراض شکلیده پارلمان ایشیگی نی باغله دیلر. ملت وکیل لرنینگ اکثریتی قندهار ده گی حادثه ده قولی بولگن کیشی لر علنی محاکمه بولیشی نی طلب قیلگن لر. امریکا جمهور رییسی باراک اوباما افغانستان جمهور رییسی حامد کرزی گه قونغراق قیلیب، اوز تاثرلنگنی نی معلوم قیلگن. اما افغانستان جمهور رییسی حامد کرزی ایسه، قاتل لیک نی کیچیریب بولمس دیب ایتگن. کرزی جنابلری امریکا حربی لری عادی اهالی نی قصداً آتیب اولدیریلیشی، کیچریب بولمه یدیگن ترورچیلیک بیر عمل دیب بهاله گن. شونده ی بیرحالده مذکور حادثه اوچون، طالبان گروهی قصد آلیش گه چقیرگن. قندهار نینگ پنجوایی تومنیده یوز بیرگن حادثه، افغانستان لیک لرنینگ ینه ده غضب لنیشیگه سبب بولیشی ایتیلماقده. اوتگن نیچه کون آلدین بگرام حربی قرار گاهیده قرآن کریم یاقیلیشی دن کیین مملکت بویلب کینگ شکلده ناراض لیک نمایش لر یولگه قوییلدی. مذکور ناراض لیک نمایش لر زوراوانلیک لرگه ایله نگنی باعث، اینگ آز 30 افغان، و آلتی امریکا لیک حربی هلاک بولدی.