امریکا مدافعه وزیری کوتیلمه گن سفر بیلن افغانستان گه کیلدی

Image copyright AP

امریکا مدافعه وزیری لیون پانه تا امریکا عسکرلرینی یقیندن کوریش اوچون هلمند گه کیتگن. اوشبو لایت دن قیتیب کیلگنیدن سونگ جمهورییس حامدکرزی بیلن اوچره شیشی کوتیله دی.

امریکا مدافعه وزیرلیگی، اوشبو سفر قندهار ده یوزبیرگن حادثه دن الدین پلانلشتریلگن بولگنینی ایتگن.

قندهارده یوزبیرگن حادثه ده بیر امریکا لیک عسکر اون التی اهالینی آتیب اولدیرگندی.

لیکن، ایریم لر امریکا مدافعه وزیری نینگ اوشبو سفری یوزبیرگن حادثه بیلن علاقه لی ایکنینی ایته دیلر، چونکی پانه تا جنابلری هلمند دن قیتگنیدن سونگ افغان مقاملری بیلن هم اوچره شماقچی.

شوندی ایکن، امریکا مقاملری قندهارده یوزبیرگن حادثه افغانستان و امریکا قوشمه ایالت لری اره سیده بولگن علاقه لرگه منفی تاثیر قویمه سین دیب فکر بیلدیرگنلر.

شونینگ دیک امریکا جمهوررییسی باراک اوباما هم بو حادثه خارجی کوچلرنی زودلیک بیلن افغانستاننی ترک ایتیشی گه سبب بولمه یشینی تاکیدله گن.

ناتو کوچلری نینگ افغانستانده بولگن حربی ماموریتی 2014 میلادی ییل اخرلری گه نهایه له نیشی کوتیله دی.

قندهار ده اون آلتی اهالینی اتیب اولدیریلگنی، جدی تنقید لرگه سبب بولیب ، قندهار ولایتی نینگ پنجوای تومنی و ننگرهار ولایتی نینگ مرکزی جلال آباد شهریده ناراضلیک نمایشلر یولگه قویلگندی.

افغانستان پارلمانی هم قندهار ده یوزبیرگن حادثه گه جدی قرشی لیک بیلدیریب، اوشبو عمل گه قول اورگن امریکا عسکری نینگ آچیق محاکمه بولیشینی طلب قیلگندی.

خوب شوندی ایکن، امریکا مدافعه وزیری افغانستان گه سفر قیلیشدن الدین امریکا نینگ افغانستانده آلیب باره یاتگن استراتیژی سینی ایش بیره یاتگنینی ایتیب بوحقده شوندی دیگن:"مین فکر قیله من توغری تمان بارماقده میز، مردم نینگ قناعت بیریشی اوچون حرکت قیلیب یوزبیره یاتگن حادثه لر عمومی استراتیژی میزنی اوستیگه تاثیر قالدیرمه سین."

امریکا مدافعه وزیری نینگ افغانستانده گی سفری بریتانیا باش وزیری دیوید کامرون نینگ امریکا گه قیلگن سفری بیلن توغری کیلکن. بریتانیا باش وزیری امریکا جمهوررییسی بیلن اوچره شیب ، افغانستان گه علاقه لی موضوع لرنی هم امریکا جمهوررییسی بیلن محاکمه ایتگن.