ملی جبهه: استراتیژیک پیمان ینگی حکومت کیلیشی بیلن امضالنیشی کیره ک

افغانستان ملی جبهه سی، حاضرگی شرایطده امریکا بیلن استراتیژیک پیمان امضاله نیشی سیاسی بیرگروه منفعتی گه بولیشدن خواطیر بیلدیردی.

افغانستان ملی جبهه سوزچیسی فیض الله ذکی امریکا بیلن استراتیژیک پیمان 2014 میلادی ییلده سیلاو آرقه لی اورتگه کیلیشی کوتیله یاتگن ینگی حکومت بیلن امضاله نیشی ضرور لیگینی تاکیدله گن.

اوشبو جبهه مسووللری حامدکرزی باشچلیغده گی حکومت نینگ کوچ سیزلیگینی تاکیدلب، شوندی بیر پیمان نینگ امضاله نیش صلاحیتی گه قادیر ایمسلیگینی ایتماقده.

ریاست جمهورلیک سرای بوخصوصده فکر بیلدریشدن باش تارتیب بیراق مناسبت بیلدیریش هربیر سیاسی گروه نینگ حقی ایکن لیگینی ایتدی.

افغانستان حکومتی ایککی ایدن کیین یعنی شیکاگو یغیندن آلدین امریکا بیلن استراتیژیک همکارلیک پیمانی نی امضاله نیشدن خبر بیررایکن. بو موضوع ایسه ملی جبهه مسووللری نینگ جدی خواطیرگه سبب بولگن.

ملی جبهه اعضالرینی ایتشیچه بو سند نینگ امریکا بیلن امضاله نیشی گه قرشی ایمس لر، بلکه بوسند نینگ جاری حکومت بیلن امضاله نیشی اولرگه کوره خاص بیر سیاسی گروه نینگ منفعتی گه بولیشی ممکن.

افغانستان ملی جبهه سوزچیسی فیض الله ذکی موجود خواطیر باعث استراتیژیک پیمان نینگ امضاله نیشی ارقه گه سوریلیشی کیره ک لیگینی تاکیدله دی.

افغانستان لیک انجنیر امان الله بارز امریکا بیلن استراتیژیک پیمان نینگ هرقنچه تیز امضاله نیشینی افغانستان منفعتی گه بیلیب لیکن، باشقه سیاسی گروه لر فکری اورگه نیلیشی مهم ایکنینی ایتدی.

باشقه تماندن سیاسی تحلیل چی سلام عاصم، ملی جبهه سیاسی موقف الیش اوچون بوکبی فکر بیلدریشینی اورغولب، امریکا بیلن استراتیژیک پیمان امضاله نیشی حاضرگی شرایطده مهم ایکنینی تاکیدله دی.

هرچند بوندن بیرنیچه کون الدین افغانستان گه سفر قیلگن امریکا مدافعه وزیری استراتیژیک پیماننی امضاله نیشی اوچون موافقت بولگنینی ایتدی، لیکن امریکا و افغانستان حکومتی اره سیده پیدا بولگن ایریم قرمه قرشی لیک لر ایسه بو پیمان نینگ تیز آره ده امضاله نیشی گه توسیق یره تیب کیلماقده.

بویلیب اوتگن عنعنه وی لویه جرگه اشتراک چیلری بو پیمان نینگ امضاله نیشی دن آلدین کیچکی عملیات لرنی توخته تیلیشینی شرط لردن بیری دیب خلاصه چیقارگندی

افغانستان حکومتی هم شونگه ماس فکر بیلدریب کیچکی عملیات لرنینگ توخته تیلیشینی خارجی کوچلردن طلب قیلیب کیلماقده.

حاضرگی کونده هم استراتیژیک پیمان نینگ امضاله نیشی گه امریکا کوچلری تمانیدن یولگه قوییلیب کیلینه یاتگن کیچکی عملیات لر اساسی توسیق بولگنی توصیف لنماقده.