تورکیه نینگ افغانستان ده هلاک بولگن عسکرلر جنازه لری تورکیه گه انتقال بیریلدی

ناتو کوچلری نینگ تیک اوچری هلاکت گه اوچره گنی نتیجه سیده قربان بولگن تورکیه نینگ 12 حربی عسکری جنازه لری تورکیه گه جونه تیلدی.

ناتو باشچیلیغیده کابلده فعالیت قیله یاتگن مذکور تورک عسکر لر نینگ تیک اوچری تخنیکی معما طفیلی هلاکت گه اوچره گنی ایتیلماقده.

شونینگ دیک ناتو کوچلری بو تیک اوچر قنده ی هلاکتگه اوچره گنی توغری سیده تیکشیریش ایشلر باشلنگنی نی معلوم قیلگن.

ناتو کوچلری تمانیدن ترقه تیلگن بیانات گه کوره، تیک اوچر کابل نینگ بگرامی تومنیده تخنیکی عارضه طفیلی هلاکت گه اوچره ب اوشبو حادثه ده ناتو چوکاتیده فعالیت قیلیب کیلگن 12 ترکیه لیک عسکر هلاک بولگن.

مذکور بیانات نینگ معلوم قیلیشیچه، هلاکت گه اوچره گن تیک اوچر گه هیچ قنده ی هجوم بولمه گن، بلکه تخنیکی معما لر سببلی نابود ایتیلگن.

بوگون توشدن کیین، تورکیه 12 عسکری نینگ جنازه لری حربی بیر مراسم آرقه لی تورکیه ده جونه تیلدی.

معلومات لر اساسیده بو تیک اوچر گیزمه قیلیش جریانیده بگرامی تومنیده ده جایلشگن ایککی حویلی ده تصادم قیلگن.

افغان رسمیلریگه کوره، مذکور حادثه ده 12 تورک عسکری دن تشقری، ایککی افغان ترجمان و ایککی عیال هلاک بولیب ینه ایککی عیال و بیر باله یره لنگن.

تورکیه نینگ 1800 عسکری ناتو چوکاتیده افغانستانده فعالیت قیله دی. مذکور عسکر لر نینگ کوپ قسمی مملکت نینگ جوزجان، میدان وردگ و کابل ولایت لریده جایلشگن.

تورکیه حربی لری اوتگن اون ییل دن بیری افغانستان نینگ ساغلیق، قیته قوریش و تعلیم بولیم لریده یاردم بیریب کیلماقده.