کرزی: 2013 ییل سونگی ده برچه مسوولیت لر افغانلرگه تاپشیریله دی

Image copyright BBC World Service

افغانستان جمهور رییسی حامد کرزی، 2013 ییل نینگ سونگیگه برچه حربی عملیات لر افغان کوچلریگه تاپشیریلیشی نی ایتگن. کرزی جنابلری بو موضوع نی افغانستان ملی حربی اکادمی سی نینگ فارغ بولگن افسرلریگه بیان ایتگن. جمهور رییس کرزی، امریکا بیلن اوزون مدت لی ستراتیژیک علاقه لر قوریش توغری سیده بحث لر جریانی بارلیگی نی ایتیب، مذکور بحث لر یخشی شکلده ایگلری کیته یاتگنی نی معلوم قیلدی. جمهور رییس کرزی فارغ بولگن یاش حربی لرنی افغانستان نینگ سقله یاتگن شخص لر سیزلر سیز دیب ایتدی. کرزی جنابلری شونگه قوشیمچه قیلیب، افغانستان 2014 نچی میلادی ییل دن کیین، خلق ارا هم جمعیت مملکت لرگه محتاج بولمه ی، افغانستان نینگ شو یاش حربی لری خوف سیزلیک مسوولیت لرنی اوز ضمه لریگه آلیشینی ایتدی. "بو ییرده انچه خرسند میز، فقط ایککی ییل قالگن تا ناتو کوچلری، و افغانستان گه یاردم بیره یاتگن باشقه مملکت لر، برچه حربی عملیات لرینی بند قیله دیلر و بو حربی عملیات لرنی بوتون لی افغانستان کوچلری گه تاپشیریله دی. و بو کوچلر سیزلر سیز." کرزی جنابلری نینگ افغانستان لیک یاش حربی لریگه بوگون کی یوریتگن سوزلری گه قرگنده مردم تورلی خیل فکر لرگه دوچ کیلگن. بیرقنچه بو موضوع توغری سیده یخشی اویلسه ینه بیر خیل مردم بو مسئله گه ایشانچ سیزلیک بیلدیره دیلر. کابل لیک لردن بیری عزت الله ، اگر ده افغانستان کوچلری 2014 ییل گه قدر یخشی شکلده تعلیم آلیب جهازلنسه لر، مملکت خوف سیزلیک مسوولیت لری و کیچه تمانده گی حربی علمیات لرنینگ ایلگری ایلتیشیگه قادر بولیشی ممکن دیدی اما اونگه کوره، اگرده افغان کوچلری گه تعلیم و یاردم بیریلمسه، مملکت وضعیتی یمان بولیشی کوتیله دی. کرزی جنابلری امریکا بیلن اوزون مدتلی ستراتیژیک علاقه لر قوریلیشی بیلن، کیله سی اون ییل گه قدر امریکا و باشقه مملکت لر افغانستان نینگ فقط حربی بولیمی نی جهازلنتریش و تعلیم بیریش توغری سیده هر ییل تورت ملیارد دالر بیریله دی دیدی. شو نینگ دیک حربی اکادمی دن فارغ بولگن افسر لرنینگ نیچه کیشی سی گه کرزی جنابلری تمانیدن فراغت سندی هم بیریلدی. افغانستان نینگ ملی حربی اکادمی سی 7 ییل آلدین ایجاد ایتیلگن. شو نینگ دیک جاری ییلده مذکور اکادمی 270 افسر نینگ تورلی رشته لرده فارغ بیرگن. حاضر هم مذکور اکادمی ده 1700 یاش حربی بولیم لرده تحصیل آلماقده.