نورستان نینگ یوزلب پولیسی قریب آلتی آی دن بیری آیلیک آلمه گن

Image copyright BBC World Service

نورستان ولایتی نینگ یوزلب پولیس کوچلری قریب یریم ییل دن بیری آیلیک آلمه گن لرینی ادعا قیلگن لر. نورستان محلی رسمیلری هم مذکور مسئله نی تایید قیلیب، بو توغری ده تیکشیریش لرنی یولگه قویگن لرینی ایتگن لر. مذکور پولیس لر، اگرده دولت اوستیده قالگن آی لیک لری بیریلمسه، اولر مخالف گروه لر قطاریده قوشیلیش لری بیلن آگاه لنتیرگن لر. خوشحال ناملی پولیس نینگ معلوم قیلیشیچه، بیر قنچه باشقه هم رزم لری آیلیک لرینی قولگه کیریته آلمه گن لری اوچون وظیفه لرینی ترک ایتگن لر. همده ینه باشقه بیر قطار پولیس ضابط لر ایسه پول لری بولمه گنی اوچون تعطیل لریگه کیته آلمه گن لر. "بیز بو فکر گه بولگن میز که بیرگه لیککه قورالیمیز نی ییرگه قوییب اوز اویمیزگه کیتسک. بوییرنینگ پولیسی انچه فقیر. تأسف بیلن مسوول کیشی لر پولیس گه کوز قره تمه یدیلر. بو بیش آی دیر که حیاتی میز نینگ اوتکزیش اوچون هر کیم دن قرضدار بولگن میز. ایندی آیلیک آلمه یمیز که اولرنینگ قرضی نی توله سک." نیچه پیت آلدین هم نورستان ولایتی ده گی یوزلب پولیس ضابطی گه آیلیک بیریلمه گن خبر لریوزه گه چیقگن ایدی اما هیچ کیم بو خبر نی تایید قیلمه گن ایدی. ایندی بولسه نورستان نینگ پارلمانده گی نماینده لری ینه بیر بار بو موضوع نی یوزه گه چیقرگن لر. نورستان پولیسی نینگ واکنش سریع بولیمیده گی قوماندانی عبدالبصیر گه کوره، مذکور ولایتده گی پولیس کوچلری گه آیلیک بیریلمس لیگی نورستان ده گی خوف سیزلیک وضعیتی نینگ ینگی بیر بحران بیلن یوزمه یوز قیلیشی کوتیله دی. "تورت آی دن بیری پولیس عسکر لری و مأمور لریگه آیلیک بیریلمه گن. بیر هر قنچه بو موضوع نی ایته میز ینگی بیر بهانه کیلتیره دیلر و ایته دیلر که 1200 دن آرتیق کیشی وظیفه لریدن چیقیش لری کیره ک. و ایته دیلر که بولر وظیفه لریدن چیتلنتیریلگن و اولرگه هیچ قنده ی حقوق بیریلمه یدی. بیزنینگ مالی وضعیتی میز هم انچه یمان بولگن. اگر وضعیت شونده ی دوام قیلسه، پولیس لر مجبور بولیب سلاح لری بیلن اوز اوی لریگه کیتیش لری ممکن. بوحالت ایسه هم دولت و هم طالبان گروهیگه انچه یمان وضعیت کیلتیریشی ممکن." شونده ی بیر وضعیتده نورستان نینگ امنیه قوماندانی غلام الله نورستانی هم ینگی کیلگنی اوچون بو ولایت ده گی یوزلب پولیس ضابطی گه آیلیک بیریلمه گن خبر نی ایشتگنی نی معلوم قیله دی. " بو که بیر تعداد پولیس آیلیگی نی آلمه گن توغری بیرخبر اما بیز بو موضوع نی تیکشیرماقده میز. بوندن آلدین هم شونده ی بولگن ایدی و تیکشیریلگن ایدی. حاضر هم بو خبر انیقلنمه گن اما بیر قنچه پولیس بولیم لری آیلیک آلمه گن لری نی ادعا قیلماقده لر." نورستان ولایتی نینگ بیر قنچه رسمیلری، نورستان نینگ قدیمکی امنیه قوماندانی شمس الرحمن زاهد نورستانی نینگ بو توغری ده مقصر دیب ایته دیلر. اما نورستانی جنابلری بی بی سی بیلن بولگن صحبتیده، قدیمکی وظیفه سیده برچه پولیس کوچلری نینگ آیلیگی نی بیرگنی نی ایته دی. "ایککی اوچ کیشی بوتون پولیس قومانلیگی نینگ اوچ مینگ لیک نفری دن نماینده لیک قیله آلمه یدی. مین مسوول بولگن پیت ده هیچ کیم شکایت قیلمه گن. حاضر گه چه هم هیچ کیم شکایت قیلمه گن. پولیس مأمور لری اوچون اجره تیلگن مبلغ نی هیچ کیم اوز کیسه سیگه اوره آلمه یدی." نورستان نینگ یوزلب پولیسی گه قریب یریم ییل آیلیک یریلمه گنی دن جمهور رییس کرزی هم خبر بولگنی نی ایته دی نورستان نینگ خلق نماینده سی حافظ عبدالقیوم. حاضرگی کونده نورستان ولایتی نینگ بیر قنچه منطقه لری طالبان گروهی نفوذ تاپگن تهدیدی بیلن یوزمه یوز. شونده ی بیر شرایط ده پولیس کوچلری نینگ آی لیک لری معین بولگن وقتیده بیریلمسه، مذکور کوچلر وظیفه لری نینگ ترک ایتیش خواطری هم کوچه یگن.