حامدکرزی منطقه اقتصادی همکارلیک ایغنیده قتنه شیش اوچون تاجکستان ایتب بارگن

حامد کرزی منطقه اقتصادی همکارلیک ایغنده قتنه شه دی Image copyright Reuters

افغانستان جمهوررییسی حامدکرزی خلق نوروز بیره می و منطقه وی همکارلیک یغینده اشتراک ایتیش مقصدی بیلن دوشبنه گه ایتیب بارگن.

ریکا ناملی یغین نینگ بیشینچی دوریده افغانستان نینگ قیته قوریش لایحه سی اوچون یاردم طلب سوره لیب، منطقه اولکه لری اره سیده تجاری علاقه لرنی کوچیتریش کبی موضوع لر بحث بولیشی کوتیله دی.

اوشبو یغینده افغانستان ، تاجکستان، پاکستان و ایران رهبرلرینی اشتراک ایتشی ایتیلیب بوندن تشقری قیرق اولکه نینگ تشقی ایشلر وزیرلرینی حصه قوشیشی کوتیله دی.

افغانستان جمهورییسی حامدکرزی اوچ کون لیک سفر بیلن تاجکستان گه کیتدی . اوشبو سفر دن اساسی مقصد تاجکستان پایتختی دوشبنه ده بولیب اوتیشی ریجه لنگن منطقه وی همکارلیک یغینده اشتراک ایتیش دیه معلوم قیلینگن. ریکا دیب ناملنگن یغین نینگ ایککی کون دوام تارتیشی قید ایتلگن. یغینده قوشنی اولکه لر نماینده لری قوشیمچه افغانستانده یاردم بیریب کیله یاتگن مملکت لر وکیللری هم حصصه قوشیشی ایتیله دی.

اوشبو اولتریش نینگ اصلی اجنداسی افغانستان ده قوشیمچه یاردم لرنی جلب ایتیش همده منطقه بویچه علاقه لرنی کوچیتیریش دیه اورغولنماقده. افغانستان ریاست جمهورلیک سرای نینگ سوزچیسی ایمل فیضی کرزی نینگ تاجکستان گه بولگن سفری نی"اوشبو سفر جریانیده جمهورریس خلق نوروز کنفرانسی قوشیمچه ریکا کنفرانسیده اشتراک ایتماقچی، بوکنفرانس منطقه ده گی اولکه لرآره سیده اقتصادی علاقه لرنی رواجلنتریش اوچون بولیب اوته دی، بو ایککی کنفرانس یانیده ، جمهور ریس کرزی ایران و تاجکستان رهبرلری بیلن اوچره شیشی ممکن شونینگ دیک، تاجکستان، پاکستان، ایران وافغانستان اره سیده بولیب اوته جک تورت تمانله مه یغینده هم اشتراک ایتیشی ریجه لنگن" کرزی جنابلری اوشبو سفری جریانیده ، نوروز و اقتصادی همکارلیک کنفرانس لریده حصصه قوشماقچی.

افغانستان اوچون منطقه بویچه اقتصادی همکارلیک لرنی کوچیتریش اتی بیلن یولگه قویلیشی ریجه لنگن یغینده 34 خلق ارا تشکیلات نماینده لری هم دعوت ایتیلگن. شو اوچون افغان رسمیلری بو یغیننی افغانستان قیته قوریش و ترقیاتی اوچون مهم دیب بهاله ماقده لر.

ریکا کنفرانسی 2005 میلادی ییلدن بیری کابل، دهلی اسلام آبادو استانبول ده یولگه قوییلیب کیلنماقده، ایندی لیکده تاجکستان نینگ پایتختی دوشنبه ده بولیب اوتیشی کوتیله دی. افغانستان دولتی منطقه ده تجاری علاقه لرنی کوچیتریلیشی نی نه فقط افغانستان بلکه منطقه ده گی اولکه لر اوچون هم مهم دیب بیله دی. بوندن بیرقنچه مدت آلدین حیرتان تیمیر یولی ایشگه توشریلیب،بو افغانستان نینگ اوزبیکستان بیلن بویول آرقه لی باغله دی افغان مقاملری کیله جکده افغانستان نینگ تاجکستان بیلن باغلیدیگن تیمیر یولی ایشینی هم باشله نیشدن خبربیرماقده.