تاجیکستان : افغان و ایران جمهور ریئسلری نیگه نوروز کنسرتیدن باش تارتیشدی ؟

Image copyright BBC World Service

افغانستان و ایران جمهور ریئسلری تاجیکستانده نوروزنی کنسرت سیز نشانلشگه قرار قیلگنلر.لیکن باشقه بیر اسلامی مملکت – پاکستان جمهور ریئسی آصف علی زرداری کنسرت دستورینی آخریگچه تماشا قیلگن.

ایران رهبری ازلدن عیاللر رقص گه توشه دیگن و حجاب سیز خواننده لر قوشیق ایته دیگن مجلس لرده اشتراک ایتمیدی .

بیراق بو سفر افغانستان جمهور ریئسی حامد کرزی هم دوشنه ده گی بیرم نینگ اشوله –رقص دن عبارت قسمینی تماشا قیلمه گن .

دوشنبه ده گی خبرنگار لرگه کوره ، افغانستان جمهور رئیسی نینگ بو قراریدن کوپلب تاجیکستان لیکلر خفه بولیشگن.

کیین راق ایسه افغان رسمی لری ایضاح بیریب ،" جمهور رئیس کرزی کسللیک باعث کنسرتگه بارمه گنینی " ایتیشگن.

بیراق کوزه توچی لرگه کوره ، حامد کرزی نینگ حاضرگی قراری اوز مملکتده گی سیاسی جریانلرگه باغلیق بولیشی ممکن.

افغانستان حکومتی طالبان بیلن تینچ لیک مذاکره لرنی باشله ماقده و بو جریان مملکت گه تینچلیک کیلتره دی ، دیگن امید ده .

شوندی حالتده حامد کرزی نیگ عیال-ایرکک ارله ش کنسرتنی تماشا قیلیشی طالباننی غضب لنتیریشی ممکن لیگی تخمین قیلنه دی .

طالبلر حاضر رسمی کابل بیلن مذاکره لرگه باره یاتگن کورینه دی .

بیراق کوپلب عصیانکارلر جمهور رئیس کرزی حکومتنی امان "غرب نینگ قوغیرچاغی " دیب ایتشه دی .

منطقه رهبرلری دوشنبه کونی باشلنه دیگن و افغانستاننی قیته تیکلش گه بغیشله نگن منطقه وی یغینده اشتراک ایتیش اوچون 80 یقین دولت وکیللری تاجیکستان گه کیلگنلر.