دوشنبه ده افغانستان بویچه انجمن توگه دی

تاجیکستان پایتختی دوشنبه ده افغانستان بویچه منطقه وی همکارلیک انجمنی اوز نهایه سیگه ایتگن. انجمن نهایه سیده برچه اشتراکچی دولتلر قرارنی امضاله ب ، اولگی اوچره شو لرده قبول قیلنگن قرارلر اجرا سینی نظارت ایتیشگه کیلیشیب آلگنلر. افغانستان بویچه منطقه وی همکارلیک انجمنی اشتراکچی لری 17 اقتصادی لایحه نی محاکمه ایتیشگن.اولر قطاریده ترکمنستان دن افغانستان آشه تاجیکستان گه تیمر یول قوریلیشی و خودی شو یول بیلن ترکمنستان برق انرژی سینی تاجیکستان گه ییتکزیش قراری آلینگن. دوشنبه کونی افغانستان، ایران و پاکستان رهبرلری اوز میزبانلری تاجیکستان جمهور رئیسی بیلن قطار اوچره شولردن کیین مملکت نی ترک ایتگن. بو گون عینی مملکت وزیرلری همکارلیککه دایر بیر نیچه مساله لرنی مباحثه ایتماقده. افغانستان کیله جگی و اوتیز ییلدن آرتیق باشی اوروشدن چیقمیاتگن بو مملکتده خوف سیزلیک نی تامین لش، اقتصادنی کوتاریش کبی ییریک مساله لر کون ترتیبیگه قوییلگنی بیلن حاضرگه قدر بیرار بیر انیق کیلشوگه ایریشلمه گن. دوشنبه کونی ایران جمهور ریئسی محمود احمدی نژاد نینگ عادت ده گی دی "دعوتلری بیلن مطبوعات نینگ اعتباریگه توشگن. او ناتو قوشین لریدن افغانستاندن چیقیب کیتیشنی و اونگه اعضا دولتلردن بو مملکتگه تاوان پولی توله شنی طلب قیلگن . جناب احمدی نژاد نینگ بو چیقیشی طبیعی کی انجمنگه کیلگن امریکا هیئتیگه یاقمه گن و اولر مجلسنی ترک ایتگنلر. عینی انجمنده افغانستان نینگ باشقه بیر یان قوشنی اوزبیکستان اشتراک ایتمه گن. روسیه هم تاجیکستانگه موقعیسی بلند هیئت جونه تمهگن. ایریم کوزه توچی لر حاضردن بو انجمن اوز آلدیگه قویگن مقصدلریگه ایریشیشی در گمان دیگن قره شلرنی اورته گه اتماقده لر. انجمنده قتنه شه یاتگن هر بیر دولت افغانستانده برقرارلیک اورنه تیلیشی کیرک دیگن فکرده یکدل. اما ایران ،پاکستان ، امریکا و تاجیکستان افغانستانگه تینچ لیک کیلتیریش یوللری بویچه بیرخیل قره شده ایمسلر. 2014 ییلیده ناتو کوچ لری نینگ افغانستان دن آلیب چیقیلیشی اله قچان جدی خواطر لرگه سبب بولدی.