شمال شرقی ولایت لرده طالبان عصیانچیلری ینه ده باش کوتارماقده

Image copyright AFP

شمال شرقی بدخشان ولایتیده یولگه قوییلگن حربی عملیات نتیجه سیده رسمیلرگه کوره 11 عصیانچی هلاک بولیب و اوچ عصیانچی یره لنگن.

بدخشان ولایتی نینگ پلیس اداره سی خوف سیزلیک مسوولی سخی داد حیدری گه کوره اوشبو حربی عملیات اوتگن کیچه، وردوج تومنی نینگ یخشیری ناملی قشلاغیده یولگه قوییلیب، ایرته گه چه دوام تارتگن.

حیدری جنابلرینی ایتیشیچه عملیات جریانیده 11 قوراللی طالب هلاک و اوچ طالب یره لنگن. همده بیرقنچه اسلحه قورال هم اوشبو عملیات جریانیده قولگه آلینگن.

طالبان عصیانچیلری ایسه وردوج تومنی نینگ 80 فایز توپراغی طالبان نظارتیده بولگنینی ادعا قیلیب شوباعث هم عملیات یولگه قویلگن دیب ایتگن، بدخشان رسمیلری بوکبی ادعا لرنی اساسی یوق لیگینی ایتماقده.

باشقه تماندن بدخشان اهالیسی ایریم منطقه لرده مسافر تاشوچی موترلر، طالبان قوراللی لری تمانیدن توخته تیلیب تیکشریله یاتگنیدن شکایت قیلگن، بدخشان رسمیلری بوکبی ادعالرنی قسما تصدیق لب لیکن، طالبان دواملی روشده بو کبی عمل لر نی بجریش گه قادیر ایمس لیگنی ایتگن، اولرگه کوره وردوج تومنی ده گی عمومی یول جدی بیرشکلده حربیلر تمانیدن نظارت بولیب کیلینماقده.

سونگی پیتلرده بدخشان ولایتی نینگ ایریم حدودلریده طالبان عصیانچیلری نینگ انچه فعال بولگنی ایتیلماقده، همده بوندن آلدین عصیانچی گروه لر نیچه مرته پلیس کوچلری گه قرشی هجوم اویشتیرگن ایدی.

شونینگ دیک بدخشان ولایتی بیلن چیگره داش بولگن تخار ولایتیده هم هوا ایسیشی بیلن طالبان فعالیتی کوزه تیلگنی خواطرلرگه سبب بولگن.

بوندن ایککی کون آلدین، تخار مرکزیدن بیرنیچه کیلومتر اوزاق لیکده جایلشگن آق مسجد دیب اتلگن منطقه ده افغان کوچلری و طالبان آره سیده یوزبیرگن توقنه شووده ایککی افغان ضابطی وبیر عصیانچی هلاک بولدی.

توقنه شوودن بیرکون آلدین تخار مرکزی تالقان شهریدن تورت عصیانچی بیرقنچه پارتلاوچی ماده وانتحاری واسکت لر بیلن اسخبارات خادملری تمانیدن توتیلگنی خبرقیلینگن ایدی.