بیرلشگن ملت لر تشکیلاتی، حکومت اپوزیسیونی نینگ فکرینی اورگنماقچی

Image copyright AP

بیرلشگن ملت لر تشکیلاتی نینگ افغانستان ده گی وکالت خانه سی، افغانستان دولتی دن تشقری مملکت ده فعالیت قیله یاتگن سیاسی گروه لر بیلن هم یقین رابطه قوریش دن سوز یوریتماقده.

مذکور تشکیلات نینگ افغانستانده گی نماینده سی یان کوبیش گه کوره، او افغانستان سیاستی گه قرشی تورگن سیاسی اپوزیسیون رهبر لری بیلن مملکت نینگ ایریم مسئله لری توغری سیده بحث لری نی دوام بیرماقده.

سونگی پیت لرده افغانستان حکومتی نینگ سیاستی گه قرشی لیک بیلدیریب کیلگن نیچه سیاسی گروه لر مملکت سیاسی تیزیمی نینگ ریاستی دن پارلمانی گه اوزگرتیریشی اوستیده تاکید قیلیب کیلریکن، بو مسئله ایسه، خلق ارا هم جمعیت مملکت لر و بیرلشگن ملت لر تشکیلاتی نینگ اعتبارینی هم اوزیگه قرتماقده.

بیرلشگن ملت لر تشکیلاتی نینگ افغانستان ده گی وکیلی یان کوبیش نینگ ایتیشیچه، او دولت ملازم لریدن تشقری، سیاسی مخالف گروه لر همده مدنی قوریلمه لر بیلن رابطه قوریشی اوچون حرکت قیله دی.

کوبیش جنابلری سونگی ایککی کون مابینیده، ملی جبهه باشلیغ لری نینگ بیری جنرال عبدالرشید دوستم بیلن اوچره شگنی نی ایتیب، خود شو اوچره شو لری باشقه گروه لر بیلن هم یولگه قوییلیشی نی معلوم قیلدی.

" دولت نینگ مخالف رهبرلری نینگ بیری بیلن اوچره شیش اوچون مینگه چانس تاپیلدی. بیز خوف سیزلیک مسوولیت لرنینگ جریانی، کیله سی سیلاولر، یخشی حکومت دارلیک، تینچلیک جریانی، مردم نینگ ایسته و خواطرلری توغری سیده بحث قیلدیک. جنرال دوستم اوز نظرلری، خواطر لری و امید لرینی مینگه ایتدی. بو مسئله اونینگ گپ لری ایدی. اما مین تماندن، افغانستانده گی مأموریتی میز ینه تمدید بولیب، همده بیز بری بیر فعالیت لرگه حضوری میز بولیشی نی ایتدیم. شو نینگ دیک بیز حکومت، مدنی قوریلمه لر و افغانستان خلقی دن نماینده لیک قیله یاتگن برچه سیاسی حزب لر بیلن بیرگه لیککه ایشله یمیز."

افغانستان نینگ حاضر گی شرایطی ده قرگنده، خوف سیزلیک مسوولیت لرنینگ افغانلرگه تاپشیریش، قوراللی مخالف گروه لر بیلن مذاکره لر یولگه قوییش، و کیله جمهور لیک ریاستی سرای توغری سیده ایریم سیاسی گروه لر تمانیدن خواطرلر موجود لیگی اینگ مهم موضوع لردن حسابلنیب کیلماقده.

اما بیرلشگن ملت لر تشکیلاتی افغانستان نینگ حاضر گی مسئله لری و شونگه اوخشش باشقه تورلی بولیم لرده یاردم بیریب کیلیشی اوستیده تاکید قیلیب کیلماقده.