پکتیکا ولایتده پلیس عسکر لریدن بیری 9همکارینی آتیب اولدیرگن

افغانستان ایچکی ایشلر وزیرلیگی شرقی پکیتکا ولایتیده پلیس عسکرلریدن بیری توقیز همکاری نی آتیب اولدیرگن دیگن خبرنی تصدیق له دی.

ایچکی ایشلر وزیرلیگی سوزچیسی صدیق صدیقی گه کوره اوشبو توقیز عسکراوز قرار گاه لریده اویقیده بولگنده باشقه بیر پلیس عسکری تمانیدن نشانگه آلنیب هلاک ایتیلگن.

صدیقی جنابلرینی ایتیشچه بو عمل گه قول اورگن پلیس عسکری بیرینچیدن اوز همکارلرینی زهرلنتریب کینچه لیک اولرنی آتگن.

معلومات لرگه کوره بو عمل گه قول اورگن پلیس نینگ ایناغه لریدن بیری و امنیتی قرارگاه قوماندانی نینگ ایککی اوغلی هم هلاک بولگن لر جمله سیده بولگن.

ایریم گزارش لرگه هجوم اویشتیرگن پلیس، امنیتی قرارگاه ده بولگن قوال لرنی اوزی بیلن بیرگه آلیب کیتگنی خبربیریلگندی، بیراق ایچکی ایشلر وزیرلیگی سوزچیسی هجومچی پلیس باشقه بیرنیچه شخص بیلن جمعه کونی هلاک بولگنینی ایتگن.

حاضرگه قدر هم بو حادثه نی یوزبیرگنی گه اساسی عامل نیمه بولگنی معلوم ایمس، اما افغان مقاملری طالبان عصیانچیلرینی حادثه ده دخیل بیله دیلر. صدیقی جنابلری هجومچی شخص بیلن هلاک بولگن لر طالبان اعضاسی ایکنینی ایتگن.

اوزینی طالبان سوزچیسی دیب تانشتیرگن ذبیح الله مجاهد هم هجومچی شخصنی طالبان بیلن علاقه دارلیکده بولگنینی تصدیق له گن.

ایچکی ایشلر وزیرلیگی نینگ بیرگن معلومات لریگه ماس، هجومچی شخص و هلاک بولگن لر همه سی محلی پلیس کوچلری چوکاتیده فعالیت قیلرایکن.