اولوسی جرگه ملی بودجه نینگ ینه ده رد قیلدی

Image copyright BBCPahsto.com

افغانستان اولوسی جرگه سی حکومت تمانیدن پیشنهاد بولگن 1391 نچی ملی بودجه نینگ ایککینچی قلله هم رد قیلدی.

ملت وکیل لر ییل لیک بودجه نینگ رد قیلیش سببی نی، مذکور بودجه گه توازن یوق لیگی، اساسی تمل پروژه لرنینگ کیریتمه گن لیک لری شونینگ دیک اولر تمانیدن بودجه توغری سیده ایلگری سوریلگن پیشنهاد لر نظرگه توتیلمه س لیگی دیب معلوم قیله دیلر.

اما مذکور بودجه تصویب بولیشی گه طرفدار بولگن بیر قنچه ملت وکیلر، بودجه نینگ رد بولیشی اوچون سیاسی یانداشیلگنی نی ایتیب، بو مسئله مملکت اوچون سلبی تأثیر قوییشی ممکن لیگی نی تاکید له یدیلر.

شونده ی بیر حالده، مالیه وزیرلیگی ملی بودجه نینگ یخشی شکلده توزه لیشی خصوصیده مملکت ده فعالیت قیله یاتگن مدنی قوریلمه لر اعضالری نینگ مصلحت لرینی سوره گن.

مدنی قوریلمه لر هم بودجه نینگ توزه لیشی و قنده تطبیق بولیشی توغری سیده مالیه وزیرلیگیگه همکارلیک سوزینی بیردی.

مذکور قوریلمه لر نماینده لریدن عزیز احمد رفیعی:

" بیز تورت مرحله ده همکارلیک قیله آله میز. بیری بو که، بودجه نینگ طرح قیلیشی. بیز ولایت لرده گی احتیاج لرنی یغیب، مالیه وزیرلیگی مسوولیت لریگه قوشه میز. ایککینچی بحث، بودجه نینگ تیار قیلیشی دیر. بو توغری ده بیز خلق ارا ریجه لر اساسیده افغانستان دولتی اینیقسه مالیه وزیرلیگیگه همکارلیک قیله میز. عین زمانده بیز پارلمان و مالیه وزیرلیگی نینگ آره سیده یقین لیک کیلتیریش گه یاردم بیره آله میز. شو نینگ دیک بودجه نینگ تحلیل قیلیش توغری سیده مردم نی جریانگه قویه میز."

ییل لیک بودجه نینگ بیرینچی مرته رد بولگنی دن کیین هرچند مالیه وزیرلیگی بیر قنچه اوزگریش لر کیلتیریب ینه ده اولوسی جرگه ده یوباردی، اما ایککینچی مرته هم ملت وکیل لر تمانیدن رد بولدی.

افغانستان نینگ جاری ییل ده گی ملی بودجه سی تورت ملیارد دالر دن کوپراق بولگنی بیلگی لنگن. شو نینگ دیک مذکور بودجه نینگ کوپ قسمی خلق ارا هم جمعیت مملکت لر تمانیدن تامین لنه دی.