قوراللی عصیانچی لر کابل نینگ اوچ منطقه سیده هجوم اوییشتیرگنلر

Image copyright BBC World Service

معلومات لرگه کوره، قوراللی عصیانچیلر کابل نینگ اوچ منطقه سیده گروهی هجوم یولگه قوییب، آغیر و اینگیل قورال لر بیلن اوق آتگن لر.

عصیانچیلر، پارلمان یقینیده جایلشگن بیر بنا، شهر نومنطقه سیده جالشگن ایلچیلیک لر یقینیده گی بیر هوتل، همده کابل نینگ شرقی منطقه سیده هجوم اوییشتیرگن لری انیق لنگن.

هرچند حاضر هم اوق آتیش سیسی کابل ده ایشیتیله دی لیکن تلفات لر رقمی بارسیده هیچ قنده ی معلومات ترقه تیلمه گن.

عین زمانده پکتیا، لوگر، و ننگرهار ولایت لریده هم عصیانچی لر گروهی هجوم اوییشتیرگن لیک لری ایتیلماقده.

بی بی سی نینگ جلال آباد شهری ده گی خبرنگاری گه کوره، ننگرهار نینگ خوف سیزلیک کوچلری ایککی انتحارچی نینگ اوشله ب، اما ینه ایککی انتحارچی اوزی نی پارتله تگن لر.

طالبان گروهی مذکور گروهی هجوم لر مسوولیتی نی اوز ضمه سیگه آلگن.

شهرنو منطقه سیده گی کابل استار ناملی هوتل نینگ بیر قسمی هم آتشمه لر نتیجه سیده هلو آلگن.

حاضر گه قدر قریب اون پارتله ش سیسی نی مردم کابل شهریگه شاهد بولگن.

افغان رسمیلری نینگ بیری رویترز گه بیرگن معلوماتی گه کوره، پارلمان و روسیه ایلچیلیگی گه هم اوق آتیلگن.

بیرقنچه معلومات لرگه کوره، پارلمان یقینیده هجوم اویشتیرگن عصیانچی لر سانی قریب آلتی کیشی بولیب، حاضر گه قدر هم خوف سیزلیک کوچلری بیلن اوریشماقده لر.

افغانستان ده بهار فصلی کیلیشی بیلن طالبان گروهی عصیانچیلیک هجوم لری نی مملکت نینگ ایریم حدود لریده کوپه یتیره دیلر.