کرزی: امریکانینگ یاردمی استراتیژیک پیمانده قید ایتیلیشی کیره ک

حامدکرزی، امریکا قوشمه ایالت لری بیلن امضاله نیشی کوتیله یاتگن استراتیژیک همکارلیک پیمان ده امریکا نینگ هرییلی افغان کوچلریگه قنچه یاردم بیریشی قید ایتیلیشی کیره ک لیگینی تاکیدله دی.

افغانستان جمهورریسی حامدکرزی سراج الاخبار گازیته سی نینگ یوزیللگی مناسبتی بیلن اویشتیریلگن یغنیده، امریکا بیلن استراتیژیک پیمان امضاله نیشی خصوصیده سوز یوریتدی.

اونگه کوره استراتیژیک همکارلیک پیماننی امضاله نیشی اوچون ایریم شرط لر کوریب چیقیلگن. بیراق پیمانده افغان امنیتی کوچلریگه امریکا قوشمه ایلت لری نینگ هرییلی قنچه مادی یاردم بیریشی قید ایتیلیشی خصوصیده قرمه قرشی فکر لر موجود لیگینی تیلگه آلدی.

کرزی جنابلری 2014 میلادی ییلدن کیین امریکا قوشمه ایالت لری نینگ افغان امنیتی کوچلرگه قنچه یاردم بیریشی معلوم بولیشی کیره ک لیگینی اورغولب بوحقده شوندی فکر بیلدیردی:"امریکا بیلن استراتیژیک علاقه لر نی امضاله نیشی باره سیده مذاکره لر دوام ایتماقده،امریکا لیک لر پول بیره میز دیب وعده بیره دی لیکن، بیز افغان امنیتی کوچلری اوچون قنچه مبلغ بیریلیشی استراتیژیک همکارلیک پیمان ده قید ایتیلیشینی ایستیمیز، بیز از پول هم بیرسه لریز استراتیژیک پیمان ده ذکر بولسین دی میز لیکن ،اولر بیره میز دیدی اما مقدارینی معلوم قیلمیدی، هرییلی اینگ آز ایککی ملیارد دالر بیرینگ لر دیب ایته یاپمیز."

شونینگ دیک کرزی جنابلری باشقه اروپالیک اولکه لر بیلن هم 2014 میلادی ییلدن کیین یاردم لرینی معلوم قیلیش خصوصیده سعی حرکت لر بوله یاتگنینی ایتدی.

باشقه تماندن افغانستان جمهوررییسی حامدکرزی یکشنبه کونی یوزبیرگن قطار هجوملرگه توخته تیلیب، هجومچیلر خارجی لر منفعتی اساسیده موافق لشتریلگن هجوم لرنی اویشتیردی دیب فکر بیلدیردی:"طالب ایناغه بو حرکت سین قیلگن بولسنگ یا بولمه سنگ سینی نامین گه بولدی، هربیر خارجی هم قیلگن بولسه، اسلام ومسلمان گه یتکزدینگ، ایککی تمانده هم مسلمان و افغاننی اولدیردینگ، اقتصاد و دین گه ضرریتکزدینگ، 18 ساعت اورشیب مردم نینگ مسجد باریشگه توسیق بولدینگ، باله لر مکتب باره المه دی،افغانستان مستقللیگی اوچون ایشله مه دینگ، بلکه خارجیلرنینگ قالیشی اوچون ایشله دینگ، خارجی اوچون ایشله دینگ بیلمه دیم بوخارجی کیم."

عینی حالده کرزی جنابلری افغان امنیتی کوچلری نینگ یکشنبه کونی پایتخت کابل وباشقه بیرنیچه ولایت ده موافق لشتریلگن هجوم لرگه قرشی کورشه گن لرینی خوش قرشی له دی .همده تحلیل چیلر ورسانه لردن امنیتی کوچلردن تنقید ایتمه یشینی طلب قیلدی.

یکشنبه کونی پایتخت کابل قوشیمچه افغانستان نینگ بیرقنچه ولایت لریده یوزبیرگن موافق لشتریلگن هجوملر ایسه سونگی بیرنیچه ای جریانیده یوزبیرگن کتته هجوم لر حسابله نیب، اوشبو هجوملرده اینگ 36 هجومچی و سککیز خوف سیزلیک عسکری ایتیلدی، همده تورت تینچ فقرا هم قربان بولگنی معلوم قیلندی شونینگ دیک توپلم 65 کیشی یره له نیب اولردن 25 ته سی تینچ فقرا بولگن.