افغانستان کیله جگی باره سیده خواطرلر کوچیگن

Image copyright AP

چیت ایللیک کوچلرنینگ افغانستان دن چیقیب کیتیش زمانی یقین له شرایکن، اولکه وضعیتی منفی تمان اوزگریب حتی ایچکی اوروش لر یوزبیریشی ممکن دیگن خواطرهم کوچیگن.

ایریم سیاسی حزب طالبان و جهادی گروه لرنینگ سابق اعضالری کابل ده بیر یغین یولگه قویب، افغانستان کیله جگی اوچون قوشمه فعالیت آلیب باریش گه جدی نیاز بارلیگینی تاکیدله دیلر.

افغانستان عالی تینچلیک قوریلتای نینگ اورین باسری و گلب الدین باشچلغیده گی اسلامی حزب نینگ سابق اعضاسی عطاالله لودین مخالف قوراللی گروه لر خارجی قوشین لرنینگ چیقیب کیتیشی صلح اوچون زمینه یره تیله دیگن فکر گه ایکینینی اورغوله دی.

لیکن لودین جنابلری خارجی چیقیب کیتگن حالده ایچکی اوروش لر ینه ده یوزبیریشی ممکن دیگن خواطر لرگه هم توخته لیب اوتدی.

طالبان گروهی نینگ سابق تشقی ایشلر وزیری وکیل احمد متوکل سوزگه چیقیب افغانستان اوروشی نینگ ایککی تمانی بارلیگینی تاکیدلب بوحقده شوندی دیدی:" اوروش نینگ ایککی تمانی بار بیری شوکی افغان لر نینگ اوزاره اوروشیشی وباشقه بیری هم افغان لرنینگ خارجی لرگه قرشی اوروشیشی." دیب ایتدی متوکل جنابلری.

باشقه تماندن یغینده سوزگه چیققن، مخالفت جبهه سی نینگ تنیقلی ادملریدن سید محمد هادی هادی خارجی کوچلر، بوتونلی چیقیب کیتمه گونگه قدر، اولکه ده صلح کیلیش ناممکن ایکن لیگینی تاکیدله دی.

افغانستانده فعالیت آلیب باره یاتگن خارجی کوچلر نینگ 2014 میلادی ییل دن کیین چیقیب کیتیشی قید ایتیلگن. لیکن ناتو وامریکا قوشمه ایالت لری ، افغان امنیتی کوچلری نینگ حمایه قیلشینی سوزبیرگن.

ایریم تحلیل چیلر شونینگ دیک عادی اهالی خارجی کوچلر چیقیب کیتگن حالده ، افغانستان وضعیتی منفی تمان اوزگریب تورلی خیل قینچلیک لر یوزه چیقیشدن خواطرده .

آنه شو خواطرلرنی برطرف ایتیش اوچون بوکونگی یغین اشتراک چیلری ایسه سعی حرکت لر یولگه قویلیشی گه جدی نیاز بارلیگینی تاکیدله دیلر.