مسعود حسینی پولیتزرمکافاتی نی قولگه کیریتگن

Image copyright BBC World Service

افغانستانده طالب لر حکومتی قوله تیلگنیدن سونگ، باشقه بولیم لردیک فوتوژورنالیست بولمیده هم قیزیقیش لر کوپیگن.

هرچند افغانستانده فوتوژورنالیست اونچه لیک رواج تاپگن بولمسه ده، سونگی نیچه ییللردهقطار یاشلر و مخپرلرنینگ بو بولیمگه قیزقه یاتگن لیگی معلوم قیلینماقده.

افغانستان لیک مسعود حسینی، بوندن بیر ییل مقدم کابلده عاشورا مراسمیده یوز بیرگن قانلی حادثه دن کوکلم کییم کیگن ( دختر سبز پوش دیب، شهرت قزانگن صورت نی آلیب دنیا بویلب پولیتزر ناملی مکافات نی قولگه کیلتریشگه موفق بولگن.

اولکه ده دوام تارتیب کیله یاتگن وضعیت ده قره مسدن یاش خبرنگارلر ایسه جاری وضعیت نینگ صورت آرقه لی دنیا گه کورسه تیش اوچون جدی سعی قیلیب کیلماقده لر. یاش عکاس مسعود حسینی پولیت زر مکافاتینی قولگه کیرتگنی حقیده گی شوندی فکر بیلدیردی:" بو مکافات نی قولگه کیلتریشیم اوچون چیت ایل لیک لرنینگ دقتیی نی اوزیگه تارتگن ایسه، 2011 میلادی ییل نینگ دیسمبر آیی نینگ 6. سیده، کابلده عاشورا مراسمی ده یوزبیرگن قانلی حادثه دن آلینگن صورت ایدی، مین اوزیم هم اوشه ییرده جراهت آلگندیم، لیکن شوندی بولیشیگه قره مسدن او ییردن آلگن صورتیم کوکلم کییم کیگن قیز باله دیب شهرت تاپدی، مذکور وضعیت اوته یمان حالت نی بیان ایتردی،مین ایسه انه شو آرقلی اولکه ده گی وضعیت نی دنیاگه انعکاس بیردیم."

Image copyright na
Image caption مسعود حسینی نینگ عاشورا مراسمیده یوزبیرگن حادثه دن آلگن صورتی پولتیزرمکافاتی گه سزاوار بولدی

هرچند حسینی جنابلری، مذکور مکافات فقط گینه اونگه ایمس بلکه بوتون افغانستان اهالی سی گه عاید بولگن لیگی نی ایتدی، مسعود حسینی گه کوره الدین لر شوندی حالت لر فقط چیت ایللیک لر تمانیدن بیان ایتیلر ایدی لیکن، عاشورا مراسمیده گی دهشت فقط بیر افغان عکاسی تمانیدن بیان ایتیلدی دیب سوزیوریتدی:" بو مینگه اوته قوونرلی، بیر افغان صفتیده بو وضعیت نی دنیاگه بیان ایتدیم، اما بوندن آلدین وضعیت لر خارجی لر تمانیدن انعکاس بیریلردی، بو بیرینچی بار بولیب مین بیر مسلکی و حرفه یی افغان عکاس و صورت آله یاتگن کشی صفتیده تانیلدیم، مین کوپگینه یمان وضعیت لرنی باشدن اوتکزدیم، و اولکه ده بولیب اوته یاتگن ناگوار وضعیت نی بیان ایتیش اوچون رسمی شکلده تانیلدیم."

هرچند افغانستانده طالب لرحکومتی قوله تیلیب ینگی دولت اورنتیلگندن کیین سوز ایرکین لیگی همده مطبوعات نینگ کوزگه کورینرلی رواجلنگنی اورغولنه دی، لیکن حاضرهم ایرم حدودلر ژرونالیست لر اوچون اوته خواطرلی، ایرم حاللرده ژورنالیست لر کلتکلنیب و اولرگه قرشی قوپال حرکت لر هم بولیب کیله یاتگن لیگی کوزه تیله دی،شوندی بیر حالده افغان خبرنگارلری تورلی ساحه لرده فعالیت کورسه تیب دنیا بویلب مکافاتلر نی قولگه کیتریشگه قادر بولگنلر.