افغانستان تشقی تهدید لرنینگ آلدینی آله آلمس لیگی نی بیلدیرگن

Image copyright AP

افغانستان مدافعه وزیرلیگی، ملی اردو کوچلری فقط گینه ایچکی خوف سیزلیک نینگ تامین لشگه قادر بولگنینی ایتگن. اما تشقی تهدید لر قرشی سیده کوره شیش اوچون انچه کم چیلیک لری بارلیگی معلوم قیلگن.

مدافعه وزیرلیگی نینگ سوزچی سی ظاهر عظیمی، شیکاگو ده یولگه قوییلیشی کوتیله یاتگن خلق ارا انجمن نینگ افغانستان کیله جگی اوچون انچه مهم دییشگن.

افغانستان ملی اردو سی، مملکت چیگره لریدن مدافعه ایته آلمس لیگی بوندن آلدین هم جدی خواطر لرگه سبب بولیب کیلگن. ایندی بولسه حکومت رسمیلری 2014خارجی لر افغانستان دن چیقمس دن آلدین افغان حربی لری نینگ حاضر گی وضعیت دن اوزگرتیریشی نی ایسته ماقده لر.

مدافعه وزیرلیگی نینگ سوزچیسی جنرال ظاهر عظیمی:

"حاضرگی وضعیت ده توزه تیلگن اردو میز، ایچکی امنیتی میز نینگ سقله یشی ده قادر بولگن. عین زمانده بو کوچلر هوایی و باشقه بیر قطار مسئله لر توغری سیده خارجی کوچلرنینگ حمایتی ده محتاج. بیزنینگ شیکاگو ده گی انجمن دن مهم ایسته گ لریمیزدن بیری، ملی اردو میز نینگ کوچه لنتیریشی دیر. یعنی 2014 نچی ییل دن کیین، هم ایچکی و هم تشقی خوف سیزلیگی میز نینگ تامین قیلیشده قادر بولیشی میز کیره ک. شونده ی جهاز لنیشی میز کیره ک که، باشقه مملکت لر اردو سی دیک، بوتون توپراغ، حاکمیت و استقلال نینگ سقله ش ده قادر بولیشیمیز لازم."

افغان رسمیلری حربی بولیمی نینگ مستحکم لش همده مملکت توپراغی امنیتی نینگ بوتونلی تامین لش اوچون خارجی یاردم لر دوام تارتیشی نی طلب قیلر ایکن لیکن شونده ی بولسه هم، مملکت نینگ پاکستان و ایران بیلن بولگن چیگره لری خوف سیزلیگی اوتمیش لردن انچه یمان بیر وضعیتده.

مملکت نینگ شمالی حدودیده گی چیگره داش مملکت لر، همده ایران بیلن افغانستان چیگره لی منطقه لریدن، مخدره ماده لر قاچاق ایتیلیش موضوع لری هم ترقه تیلماقده.

شو نینگ دیک پاکستان توپراغی دن عصیانچی لر آسان لیک بیلن افغانستان ده کیریب، مملکت نینگ هر بیر ییری ده عصیانچیلیک فعالیت لری نینگ یولگه قوییشیده قادرلیگی کوزگه کورینه دی.

کابل و باشقه بیر قطار ولایت لرده یکشنبه کونیده گروهی هجوم نینگ یولگه قویگن عصیانچی لرهم افغانستان تشقریسیدن کیلگنی ایتیلگن.

هرچند افغانستان ملی اردو کوچلری 195 مینگ گه ایتیشگن اما مذکور کوچلر حربی تعلیم کوریشی همده جهاز لنیشی اوچون خارجی مملکت لر اینیقسه امریکا قوشمه ایالت لری نینگ یاردمی گه محتاج.

ایندی ایسه افغان کوچلری قچان گه قدر مملکت خوف سیزلیگی نینگ بوتونلی تامین قیلیش گه قادر بولیشی زمان اوتیشی بیلن انیق لنه دی.