ریجه لشتریلگن ییریک انتحاری هجوملر خنثی ایتیلدی

Image copyright BBC World Service

افغانستان استخبارات مسووللری ییریک انتحاری هجوملرنی ریجه لشترگن بیش عصیانچی نی پارتلاوچی ماده بیلن قولگه آلینگنیدن خبربیردی.

افغانستان اسخبارات اداره سی قولگه کیرتیلگن اون مینگ کیلوگرام پارتلاوچی ماده پاکستان جاسوسلیک اداره سی بیلن علاقه دار، شخص لر بویوروغی اساسده کابل گه آلیب کیلینگنینی ادعا قیلدی.

عینی حالده افغانستان ملی استخبارت اداره سی بو حادثه گه عیبدار اوچ پاکستان لیک وایککی افغانستان لیک عصیانچی توتقینگه کیرتیلگنیدن خبربیردی.

افغانستان ملی استخبارات رسمیلرگه کوره، قولگه کیرتیلگن اون مینگ کیلو گرام پارتلاوچی ماده، کچالو یوک لنگن یوک موتریده جایلشتریلگن ایکن، اوشبو موتر پاکستاندن یوک لنگن بولیب پایخت کابل گه کیریب کیلنگیدن سونگ اسخبارات خادملری تمانیدن توتیلگن.

افغانستان ملی اسخبارات اداره سی نینگ سوزچیلردن شفیق الله طاهری بوحقده شوندی معلومات بیردی."قولگه آلینگن بیش عصیانچی دستلبکی تحقیقات نتیجه سیده اوز جرم لرگه اعتراف قیلدیلر ، همده اولر اوزاق پیتلردن بیری پاکستان لیک و افغانستانلیک طالبلر گروهی بیلن علاقه دار ایکن، عینی حالده نور افضل و محمد عمر پاکستانلیک طالبلر نینگ مهم ادملری بولیب، پاکستان نینگ جاسوس لیک اداره سی بیلن علاقه دار ایکن، آنه شو ایککی شخص بویوروغی اساسیده جان آغا ناملی طالبلر نینگ مهم قوماندانلریدن بیری هینو تور موتریده جایلشتریلگن پارتلاوچی ماده نی کابل گه الیب کیلگن ایکن موتر بیلن بیرگه کابل شهریدن قولگه آلیندی."

اسخبارات مسووللری، قولگه آلینگن شخص لر پارتلوچی ماده لردن فایده له نیب، کابل شهریده قطار هجوم لرنی اویتشریش نتیده ایکنینی ایتدی.

یوک تاشووچی موتردن ییریک پارتلوچی ماده نینگ کابل شهریدن قولگه کیریتیلیشی تورلی خیل تنقید لرگه سبب بولگن، همده یوک تاشووچی موترآرقه لی پارتلوچی ماده نینگ آلیب کیلینیشینی الدینی الیش انچه قیند ایکنی ایتله دی بیراق، حربی مسله لر بویچه بیلمدان عطا محمد خان، بوکبی حالت لرنی آلدینی آلیش اوچون یوک تاشووچی موترلرنی چیگره دن اوته یاتگن پیتی جدی تیکشریلیشی اساسی چاره تدبیر دیب فکر بیلدیره دی.

باشقه تماندن افغانستان ملی اسخبارات اداره سی قورال وانتحاری جلیقه لربیلن بیلن جهازلنگن اوچ عصیانچینی توتیلگنیدن خبربیردی.

اداره مسووللریگه کوره بوشخص لر ایسه افغانستان جمهورریسی نینگ ایککینچی اورین باسری محمد کریم خلیلی نی ترور قیلیش نی ریجه لشتیرگن ایکن. اسختبارات اداره سی نینگ بیرگن معلومات لری اساسیده بو اوچ عصیانچی افغانستانلیک بولیب، حقانی گروهی آدم لری بولگن.

سونگی پیتلرده افغانستان ده هوا اسیشی بیلن عصیانچیلر فعالیتی هم تورلی منطقه لر و بویوک شهرلرده کوچیگن.

اوتگن هفته یکشنبه کونی ینگل وآغیر قورال لربیلن جهازلنگن اوتزدن ارتیق عصیانچی پایتخت کابل قوشمیچه بیرنیچه ولایت ده موافق لشتریلگن هجوم لرنی اویشتیردی.