افغانستان ملی جبهه سی: مملکته پارلمانی تیزیم اورنه تیلیشی کیرک

امریکا نینگ افغانستان ده گی عسکرلری Image copyright AFP

امریکا قوشمه ایالت لری سنا مجلسی تمانیدن یوبارلگن هیات، افغانستان ملی جبهه سی بیلن اوچره شیب مملکت نینگ سیاسی حیاتی حقیده بحث آلیب بارشگن.

مذکور هیئت و ملی جبهه قوشمه بیر بیانات آرقه لی، افغانستان سیاسی تیزیمیده بنیادی اوزگریش کیلمس دن آلدین خارجی کوچلربویرنی ترک ایتشلری نا قولی بیرعمل دیب قید ایتشگن.

عین دمده ملی جبهه نینگ باشلیغ لریدن جنرال عبدالرشید دوستم ، طالبان رهبر لری ملا عمر و سراج الدین حقانی اگرده تینچ لیک جریانیده قوشیلمسه لر، افغانستان خلقی تمانیدن نابود بوله دیلر دیب ایتدی.

افغانستان ملی جبهه رییسی احمد ضیا مسعود مطبوعات انجمنی ده امریکا سنا مجلسی نینگ هیئتی بیلن افغانستان ده پارلمانی تیزیم کیلیشی اوستیده تاکید قیلگن لیک لرینی ایتدی.

افغانستان ملی جبهه سی ریسی احمد ضیا مسعود، امریکا سنا مجلسی اعضالری بیلن اوتکزگن ایغنده ، مملکته پارلمانی تیزیم اورنه تیلیشی کیرک لیک دیب ایتگن" افغانستان ملی جبهه سی و امریکا سنا مجلسی نینگ هیئتی، افغانستان سیاسی تیزیمی گه اصلاح کیلتیریشی توغری سیده، خارجی لر چیقمس دن آلدین گه تاکید قیله دی.

هر ایککله تمان افغانستان ده حاکم بولگن فساد و شفافیت سیزلیک، ریاستی تیزیم گه تیگیشلی بولگنی گه اعتقادی بار."

عین دمده، امریکا سنا مجلسی دن کیلگن هیئت نینگ باشلیغی، هم افغانستان ده پارلمانی تیزیم لازم دیب ایتگن"بیز ، بو ییرده حاضر بولگن عزیز دوستلر بیلن اوچره شتیک.اوچره شو موضوع لری باره سیده و شونگه اوخشش افغانستان حکومتی نینگ موقعی بو مذاکره لر توغره سیده گی تفصیلات لرینی امریکا گه بارگنی میزدن کیین اچیق لی میز."بوگون کی یولگه قوییلگن مطبوعات انجمنده ملی جبهه باشلیغ لری دن جنرال عبدالرشید دوستم هم قتنه شگن ایدی.

دوستم جنابلری" اگرده طالبان گروهی قورال لری نینگ قوییب، تینچ لیک جریانیگه قوشیلمسه لر، افغانستان خلقی نینگ قرشی لیگی بیلن دوچ کیلیشلری ممکن، اگر اولر صلح پروسه سیگه قوشلیشسه لرمین اوزیم باریب گلدسته لربیلن اولرنی کوتیب آله من" جنرال عبدالرشید دوستم بوندن نیچه کون مقدم خودشو گپ لرینی مزار شریف شهریده هم بیان قیلگن ایدی.

افغانستان ملی جبهه سی بوندن قریب آلتی آی ایلگری رسمی شکلده فعالیتی نی باشله گن. مذکور جبهه نینگ فعالیت لری دن اساسی مقصد، افغانستان تیزیمی ریاستی دن پارلمانی گه اوزگریشی دیر.عین حالده امریکا سنا مجلسی نینگ بیر قنچه اعضالری هم مذکور جبهه نینگ سیاسی حرکت لریدن آرقه داش لیک بیلدیرماقده لر.