افغانستان بویلب یوزبیرگن سووتاشقین لریده کمده اوتیزکیشی هلاک بولیشگن

سو تاشقین لری Image copyright fars

افغانستان بویلب یوزبیرگن سوو تاشقین لری عاقبتیده رسمی معلومات لرگه کوره، قریب اوتیز کیشی قربان بولیب اونلب کیشی یره لنگن، شونینگ دیک یوزلب چاروامال تلف بولیب همده یوزلب هکتارلی زراعتی ییرلرهم بوتونلی یوقه چیقن.

عینی حالده ایریم قشلاق تومن لرنینگ مرکز بیلن باغلاوچی یوللری نی یاپیلیب قالگنی جدی خواطرلرنی توغدیرگن. اینگ کوپ تلفات بلخ و بغلان ولایت لریده یتکزیلگنی ایتیلماقده، هرییلی بهار فصلی کیریب کیلیشی بیلن کوپ یاغینگرچلیک لر طفیلی یوزبیرگن سوو تاشقن لری کوپلب انسان لردن جان آله دی.

ایککی کون یاققن دواملی یاغین گرچلیک طفیلی یوزبیرگن سوو تاشقینی کوپچلیک اوچون کوتیلمه گن بیر حالت بولب کوپلب انسان لردن جان آلدی. بلخ ولایتی نینگ رسمی لرگه کوره اوشبو ولایت نینگ شولگره و کشیندی تومنلریده یوزبیرگن سوو تاشقینی عاقبتیده اون بیش کیشی قربان بولگن شونینگ دیک یوزلب چاروا مال و بیرقنچه زراعتی ییرلرهم سووآستیده قالگن، سوو تاشقینی یوزبیرگن منطقه لرنی یقنیدن کوزه تگن بلخ ولایت نینگ ولایتی کینگاش رییسی داکتر محمد افضل حدید خلق نینگ ایریک خساره کورگنینی اورغولب بیریله دیگن یاردم لرنی قانیقرلی ایمس لیگنی ایتدی.شونینگ دیک حدید جنابلری" بیریلیشی ریجه لشتریلگن یاردم لر چادر و اوچ ایلیک ازوق اوقات دن عبارت ، لیکن بو یاردم لر مردم گه یتکزیلشگن خساره گه قره گنده قانقرلی ایمس، انسانی تلفات دن تشقری بلخ ولایت نینگ شولگره و کشندی تومن لریده کوپلب اهالی بوتونلی اوی جایلرینی قولدن بیرگن، اولر اوته کمبغل عاییله لردن عبارت، اولرگه باش پناه قوریش اوچون یاردم یتکزیلیشی لازم دیدی حدید جنابلری"

شونینگ دیک شمالی بغلان ولایتی نینگ بورکه و دهنه غوری تومنلریده هم سوو تاشقینی یوزبیریب اینگ آز سیککیز کیشی قربان بولگن، بغلان ولایت حاکمی سوزچیسی سووتاشقینی طفیلی خساره کورگن منطقه لرده بیرگروه هیات یوباریلگنینی ایتیب، ضرر کورگن اهالی گه تیز یاردم یتکزیلیشدن خبربیردی.

هرییلی افغانستان نینگ تاغلی منطقه لریده یاغینگرچلیک لر باعث سوو تاشقینی یوزبیریب کوپلب انسان لرنینگ هلاک بولیش گه سبب بوله دی همده منطقه یشاوچیلرگه اغیرمادی تلفات لر یتکزیله دی. لیکن دولت تمانیدن بیریله دیگن یاردم و یولگه قوییلگن چاره تدبیرلر قانیقرلری بولمه گنی هردایم شکایت لرگه سبب بولیب کیلماقده.