اسماعیل خان 100 ملیون دالرلیک زمین نی غضب ایتیشگه عیب دار تانیلگن

اداری فساد گه قرشی کوره شیش اداره سی، هرات ولایتیده 100 ملیون دالر لیک ارزش گه ایگه بولگن ییرلرنینگ افغانستان سوو و برق وزیری محمد اسماعیل تمانیدن غضب بولگنی نی ادعا قیلگن.

عین زمانده لودین جنابلری هرات ولایتی ده فعالیت قیله یاتگن بیر قنچه محلی رسمیلرنی هم ییرلرنی غضب ایتیشگه عیب له گن.

افغانستان ده اوتگن نیچه ییل دن بیری دولتی ییرلر بیر قنچه بلند مقاملی کیشی لر تمانیدن غضب ایتیلیشی کتته قیین چیلیک لردن حساب لنیب کیلماقده.

هرچند بوندن آلدین دولت زمین لری نی غضب ایتگن شخص لر نینگ آتی رسمی شکلده اعلام بولمه گن ایدی اما اداری فساد گه قرشی کوره شیش اداره رییسی عزیزالله لودین، افغانستان سوو و برق وزیری محمد اسماعیل نینگ هرات ولایتیده یوز ملیون دالرلیک ارزشگه ایگه بولگن ییرلرنی غضب ایتیش گه عیب له دی.

"عبدالمجید خان اویی نی که قیمتی هم انچه بلند وزیر صاحب اسماعیل خان آلیب اوز آتی گه قیلگن. شو نینگ دیک بو زمین نینگ بیر قسمی هم حرمت لی خانمی نینگ آتی گه قیلینگن. و ینه بیر قنچه ییرلرنی اوز تصرفی گه کیلتیرگن. شونینگ دیک بو ییرلرنینگ بیر قسمی هرات شهردارلیگی نینگ تصرفی ده دیر. بو اوشه نرسه ی که او یعنی عبدالمجید خان افغانستان ملتی گه بخشش قیلگن ایدی، بو مسئله نی افغانستان مردمی و هرات مردمی یخشی بیله دی. بو موضوع ایندی قاره لاوچیلیک اداره سیگه کیتگن. افغانستان قاره لاوچیلیک اداره سی نینگ رییسی هرات قاره لاوچیلیک گه یوبارگن. و مینی ایشانچیم کامل که بو موضوع تعقیب بوله دی."

لودین جنابلری شونگه قوشیمچه قیلیب، هرات ولایتی ده غضب ایتیلگن ییر لر نینگ تیکشیریلیشی جمهور رییس کرزی فرمانی بیلن 7 وزیرلیک تمانیدن عمل گه آشیریلگنی نی بیلدیردی.

اما حاضر گه قدر افغانستان سوو و برق وزیری محمد اسماعیل حاضر گه قدر بو عیبلاو لر توغری سیده مطبوعات ده هیچ نرسه ایتمه گن.

عین زمانده لودین جنابلری هرات ولایتی نینگ بیر قنچه محلی رسمی لری هم مذکور ولایت ده ییرلرنینگ عضب قیلیش گه عیب له دی.

باشقه تماندن لودین جنابلری، مالیه وزیرلیگیده ملیارد لب افغانی فساد بولگنی نی معلوم قیلدی.

لودین جنابلریگه کوره، مذکور پول لر، کابل، جلال آباد و حیرتان باج خانه لریده قانون سیزلیک شکلده فساد بولگن.

او مذکور پول لرنینگ قیته دن دولت بودجه سیگه کیریتیشی اوچون تیکشیریش ایشلری جریانی بارلیگی نی ایتیب، بو دوسیه توگه یشی بیلن مملکت قاره لاوچیلیک اداره سیگه تاپشیریلیشی نی معلوم قیلدی.