اپوزیسیون رهبر لری: حکومت کیله سی سیلاولرنینگ اوز منفعتی گه ایلنتیرماقچی

Image copyright BBC World Service

افغانستان ملی جبهه وملی ائتلاف باشلیغ لری، کیله سی جمهورلیک ریاستی سیلاولری قنده ی اوتکزیلیشی توغری سیده قوشمه ایسته ک لرینی مطرح قیلدیلر.

حکومت نینگ مذکور ایککی مخالف گروه لری، کیله سی سیلاولر اوز وقت و زمانیده یولگه قوییلیشی اوستیده تاکید قیلدیلر.

مذکور اپوزیسیون رهبر لری، اگرده جمهور رییس کرزی اوز مقامی دن استعفا گه چیقسه سیلاولر نینگ بیر ییل آلدین یولگه قوییلیشی ده موافق ایکن لیک لری نی هم بیان قیلدیلر.

ملی جبهه سوز چی سی فیض فیض الله ذکی، سیلاولر قانونی گه اصلاحات کیلتیریش، آواز بیره یاتگن لرنینگ روی خطی توزه لیشی شو نینگ دیک خلق ارا نظارت ایتوچی تشکیلات لر مذکور سیلاولرنینگ رهبری قیلیشی بو ایککی کوچلی سیاسی گروه لرنینگ باشقه ایسته ک لری دن عبارت بولگنی ایتگن.

شو نینگ یک ملی جبهه و ملی ائتلاف باشلیغ لری، سیلاولر جریانی خوف سیزلیگی نینگ تامین لشگه جدی چاره تدبیر کورینیشی افغانستان حکومتی دن ایسته گن لر.

شو نینگ دیک بو ایککی گروه رهبر لری، سیلاولر یولگه قوییلیشی دن آلدین اهالینی روی خط دن اوتکزیب، ولایتی و اولوسوال لیک کینگاش لر سیلاولری نینگ هم یولگه قوییلیشی کیرک ایکن لیگی نی معلوم قیلدیلر.

شونده ی بیرحالده ملی ائتلاف رهبری داکتر عبدالله عبدالله هم سیلاولر توغری سیده گی ایسته ک لری نینگ حلی اوچون حکومت ییترلی زمان گه ایگه ایکنینی بیلدیردی.

"افغانستان اساسی قانونی گه بناً سیلاولر نینگ یولگه قوییلیشی اوچون ایککی ییل قالگن. خوشبخت لیک بیلن ییتر لی وقت بار. اما سیلاولر جریانیده اصلاحات کیلتیریش اوچون حکومت تمانیدن سیاسی بیر اراده یوق. بو مسئله اوچون مردم هم انچه خواطرده دیر. هر حالده اصلاحات کیلتیریش ممکن، مثلاً سیلاولر زمانی نینگ تعیین قیلیشی دیر یعنی مردم نینگ بیلیش لری کیره ک تا بو سیلاولر قچان یولگه قوییله دی. سیلاولر کمیشنر لری نینگ قنده ی تعیین ایتیلیشی، مدنی قوریمله لر نقشی، سیاسی حزب لر نقشی و پارلمان نقشی قنده ی لیگی نینگ بیلی بولیشی کیره ک. دیب ایتدی داکتر عبدالله عبدالله"

هرچند افغانستان حکومتی، سیلاولر قانونی گه اصلاحات کیلتیریش اوچون ینگی سعی و حرکت لر یولگه قوییلیشی دن سوز یوریتماقده اما ملی جبهه و ملی ائتلاف رهبرلری ایسه مذکور سعی و حرکت لرنینگ ییترلی ایمس لیگی نی ایته دیلر.

بو ایککی مخالف گروه لر، مملکت کیله سی سیلاولری توغری سیده یقین کیله جکگه قوشمه بیر طرح نینگ مردم گه بیان قیلیش لرینی هم معلوم قیلگن لر.