افغانستان و امریکا ینگی همکارلیک بیتیمی نیمه بیره دی؟

Image copyright Reuters

امریکا و افغانستان جمهور رییس لری، کیله سی اون ییل گه مولجللنگن ینگی ستراتیژیک شرطنامه نی امضالشتدی.

جمهور رییس اوباما نینگ کابلگه اعلام قیلینمه گن سفری چاغیده امضا لنگن بیتیم واشنگتن، افغانستان تشله ب قویمس لیگی نی کورسه تیشنی مقصد قیلگن.

اونگه بناً امریکا قوشمه ایالت لری، ینه اون ییل بدلی ده، افغانستان گه حربی، و اقتصادی یاردم بیریب باره دی.

شو نینگ دیک، تعلیم و اجتماعی ساحه لرنی هم رواجلنتیریش هم تاکید لنگن.

لیکن بو مقصد گه قنچه مبلغ اچره تیلیشی معلوم ایمس.

اوشبو بیتیم گه کوره، افغانستان گه باشقه مملکت هجوم قیلگن ده، واشنگتن کابلنی قول له یدی.

جمهور رییس کرزی مذکور بیتیم نینگ اوز مملکتی اوچون جوده مهم لیگی نی اورغوله دی.

ذاتاً بو بییتم گه ایریشیش اوچون، قریب ایککی ییل بحث و مناظره لر کیچگن.

خارجی لر نظارتی ده بولگن افغانستان قماق خانه لری مسئله سی و ناتو حربی لری اوتکزیب کیلگن تونگی عملیات لر باعث، مذکور بیتیم قریب بیر ییل امضالنمه ی قالگن ایدی.

تحلیل چی داکتر عبدالسلام آثم نینگ ایتیشیچه، ینگی بیتیمگه هر ایککی طرف نینگ توله عمل قیلیشی هنوز سوال آستیده.

کیله سی ایککی ییل ایچیده افغانستان ده گی خارجی جنگوار کوچلر، چیقیب کیتیشی کیره ک. بوگون کوپلپ افغان لر، چیت ایل لیک لر کیتگنی دن کیین، مملکت قنده ی احوالگه توشه دی دیگن خواطرده لر.

حاضر گی همکارلیک بیتیمی ایسه، انه شو خواطرلرنی پسه یتیریشنی کوزده توته دی.

اما طالبان عین شرط نامه نی تن آلمس لیگی نی ایتیب چیقدی.