مالیه وزیرلیگی ملازم لری اداری فساد اوچون حبسگه آلینگن

Image copyright BBC World Service

افغانستان باش قاره لاوچیلیک اداره سی، 25 ملیون افغانی اختلاسی بیلن دولتی 13 شخص نینگ اوشله ب آلگنی دن خبر بیردی.

اوشله ب آلینگن شخص لر مابینیده نیچه کیشی سی مالیه وزیرلیگی نینگ ایشلاوچی لریدن بولگنی انیق لنگن. بو لر مابینیده بیر عیال موجود ایکنی هم ایتیلگن.

اوشله ب آلینگن شخص لر رییس سطحیده بولگن دولت کارمند لری دیر.

قارلاوچیلیک اداره سی نینگ فساد گه قرشی کوره، اوشله ب آلینگن شخص لر دوسیه لری کیله سی ایککی هفته گه چه محکمه گه یوباریله دی.

مالیه وزیرلیگی هم اوشله ب آلینگن شخص لرنینگ اوچ کیشی سی مذکور وزیرلیک ایشلاوچی سی بولگنی نی تایید قیلیب ایتگن که بو موضوع نی مذکور وزیرلیک اوزی قاره لاوچیلیک گه ایتگن.

مالیه وزیرلیگیگه کوره، بو قضیه جعل کارلیک بیر موضوع گه تیگیشلی بولگنی اوچون، قریب بیر ییل آلدین قارلاوچیلک اداره سیگه خبر بیریلگن ایدی.

سونگی پیت لرده اداری فساد گه قرشی کوره شیش مسئله سی کوپ بحث لرگه سبب بولیب کیلگن.

بوندن نیچه کون مقدم فساد گه قرشی کوره شوچی مخصوص اداره باشلیغی افغانستان سو و برق وزیری محمد اسماعیل خان نینگ ملیون لب دالر لیک ییرنی غضب قیلیشی دن سوز یوریتگن ایدی. اما کورنیشیچه، کرزی جنابلری اسماعیل خان دن آرقه داش لیک بیلدیریب ، او بو مسئله اوچون جواب قه یتریش گه تیار ایکنینی ایتگن ایدی.