ننگرهار ده بیش چیگره پولیسی هلاک بولگن

Image copyright AFP

ننگرهار ولایتی نینگ بیش پولیس خادمی اوزاق دن باشقه ریله دیگن بیر ماین پارتله یشی عاقبتیده هلاک بولگن.

بو حادثه ننگرهار نینگ پاکستان بیلن چیگره سی بولگن دور بابا اولوسوالیگیده یوز بیرگن.

محلی رسمیلرگه کوره، ننگرهار نینگ بیش چیگره پولیسی توناون کیچه گیزمه قیلیش پیتیده، مذکور ماین بیلن دوچ کیلیب، هلاکت گه اوچره گن لر.

دور بابا تومنی، ننگرهار نینگ جنوب شرقی حدود لریده جایلشگن و پاکستان نینگ خیبر اجنسی منطقه سی بیلن چیگره سی بار.

طالبان گروهی مذکور حادثه مسوولیتی نی اوز ایلکه سیگه آلگنی نی اعلام قیلگن.

مذکور گروه سوز چی لریدن ذبیح الله مجاهدی رسانه لر بیلن بولگن صحبتیده، مذکور پارتله ش ده اینگ آز اون چیگره پولیس نینگ هلاکت گه اوچره تگنی نی ادعا قیلگن لر.

ننگرهار افغانستان شرقی ده جایلشگن ولایت لرنینگ ناقرار ولایت لریدن حساب لنه دی.