عصیانچیلرنینگ پکتیکاده کی گروهی هجومی

Image copyright taliban

پکتیکا ولایتی نینگ یحیی خیل تومنیده عصیانچیلر تمانیدن اویشتریلگن گروهی هجومده آلتی عصیانچی وبیر پلیس هلاک بولگنی ایتیلماقده.

محلی رسمیلرگه کوره پارتلاوچی جلیقه لر و ینگل قوراللر بیلن جهازلنگن آلتی عصیانچی، پکیتکا ولایتی نینگ یحیی خیل تومنیده باریب اوشبو تومنده کی دولتی بینا لرگه هجوم اویشتریشنی مقصد قیلگن ایکن، بیراق اولر یحیی خیل شهری نینگ ایشکریسیده کی پلیس پوسته لریدن بیریده یقین له شیش بیلن پلیس تمانیدن انیق له نیب اولرگه قره ته اوق آچیلگن. نتیچه ده پلیس و عصیانچیلر آره سیده توقنه شوو باشلنیب کیتگن.

پکتیکا ولایتی نینگ ولایت حاکمی سوزچیسی مخلص افغان یوزبیرگن توقنه شوو تلفاتی باره سیده شوندی فکربیلدیردی"قوراللی عصیانچیلر پلیس پوسته لریدن بیریده ایتیب کیلیشی بیلن اولر پلیس تمانیدن انیق لندی، ایککی عصیانچی اوزینی پارتلتدی، باشقه قالگن تورت عصیانچی پلیس تمانیدن اتیب اولدریلدی، توپلم التی عصیانچی وبیر پلیس عکسر قربان بولدی، ایککی پلیس وبیر تینچ فقرا یره لندی دیب ایتدی پکتیکا ولایتی نینگ ولایت حاکمی سوزچیسی مخلص افغان."

محلی رسمیلر هلاک بولگن عصیانچیلرنی کیم لیگی باره سیده هیچ نرسه ایتمیدی .اما طالبان گروهی ایریم مطبوعات فعاللری بیلن علاقه قوریب اوشبو هجوم طالبان تمانیدن اویشتریلگنینی ایتگن همده، هجومده بیرقنچه افغان وخارجی عسکر لر هلاک بولگنینی ادعا قیلگن.

سونگی پیتلرده عصیانچیلر پایتخت کابل قوشیمچه افغانستان قطار ولایت لرده شوندی گروهی هجوملرنی اویشتریب کیلماقده.

باشقه تماندن مملکت نینگ جنوبیده جایلشگن قندهار ولایتیدن کیله یاتگن خبرلرگه کوره پلیس کوچلری پارتلاوچی ماده تیارلنه دیگن 16000 کیلوگرام امونیم کولوراید تور ماده سینی قولگه کیرتیلگنیدن خبربیرگن.

پلیس مقاملرینی ایتیشچه ، بو تور ماده پاکستان دن یوکلنگن یوک تاشوچی موترگه جایلشتریلگن بولیب، قندهار ولایتی نینگ سپین بولدک تومنیده کی چیگره دن قولگه آلینگن.

هرچند بوتور ماده ایکیم چیلیک اوچون فایده له نیشی ایتیله دی بیراق سونگی پیتلرده یول چیککه سیده اورنه تیله دیگن ماین توزه تیش اوچون عینی ماده کینگ کولمده عصیانچیلرتمانیدن قوله نیب کیلنه یاتگنی باعث بوماده نی تجارتی منع ایتیلدی، اما شوندی بولسه افغانستان نینگ ایریم منطقه لرده اوشبو ماده نی تجارتی غیر قانونی شکلده هلی هم دوام ایتماقده.