توی مهمانلریدن 21 کیشی سیلدن نابود بولدی

Image copyright AP

سرپل ولایتی نینگ سنچارک اولسواللیگی نینگ ده مرده دیب ناملنگن قشلاغیده یوزبیرگن سوو تاشقنی نتیجه سیده کمیده 21 کیشی هلاک بولیب 80 کیشی هم بی درک یوقالگن.

سرپل ولایتی نینگ حاکمی عبدالجبار حقبین نینگ معلوم قیلیشچه، سوتاشقینی تناون کیچه 6 بجه دن باشلب ایرته گه چه دوام ایتگن، شونینگ دیک سو تاشقین سببلی مینگلب چاروا مال تلف بولیب، یوزلب هکتارلی زراعتی ییر ویران ایتیلگن.

بیر اویده توی بولیب تورگنده سو کیلیب مراسم اشتراک چیلرینی بوتونلی آلیب کیتگن، دولت مسئوللری ایسه ضرر کورگن عایله لرگه یاردم یتکزیش اوچون منطقه ده بیرگروه هیات یوبارگن.

شونینگدیک سرپل ولایت حاکمی حقبین جنابلری مذکور اولسواللیک نی یوللری سوو تاشقنی سببلی بوزلب قالگنینی اورغولب، مردم نینگ اوشبو والسوالیکک ده باردی کیلدی سی یول بولمه گنی اوچون کیسیلیب قالگنینی ایتگن.

شونگه قوشیمچه، سرپل ولایتی نینگ گوسفندی اولسواللیگی ده هم سوو تاشقنی 70 اویی نی آلیب کیتگن همده ، منطقه یشاوچیلریگه آغیر مادی خساره یتکزیلگنی ایتیلماقده.

.کوهستانات اولسواللیگیده هم نیچه کیشی بی درک یوقال گنی ایتیلیب، اولرحقده هیچ قندی معلومات بولمه گن.

باشقه تماندن سرپل ولایت حاکمی حقبین جنابلرینی ایتیشیچه ، مذکور ولایت مرکزیده قرارتاپگن لتی دیب ناملنگن قشلاغیده هم سوو تاشقنی سببلی ایککی کیشی هلاک بولیب مادی ضرر هم اهالیگه ایتیشگن.بوندن الدین هم سرپل ولایتی نینگ ایریم منطقه لریده سوو تاشقنی یوز بیریب اهالی گه جانی ومالی تلفات یتکزیلگندی.