رستاق تومنیده محلی دولت ملازم لری قرشی سیده ناراضلیک لر دوام ایتماقده

Image copyright BBCuzbek

تخار ولایتی رستاق تومنی نینگ یوزلب اهالیسی محلی رسمیلرنی کفایت سیزلیککه عیبلب ناراضلیک نمایش یولگه قوییگن.

بو نمایش چیلر، رستاق نینگ اولوسوالی، امنیت مدیری، امنیه قوماندانی و قشلاق لر مدیری نینگ استعفا گه چیقیش لری نی طلب قیلدی لر.

نمایشچیلر نیچه کون ایلگری رستاق ده هلاک بولگن ایککی شخص نینگ رسم لری نی کورسه تیب، ناراضلیک لرینی دوام بیردیلر.

ناراض کیشی لر، اگرده دولت اولر نینگ ایسته ک لری توغری سیده جدی اقدام قیلمسه نمایش لری نینگ دوام بیریش لری بیلن آگاه لنتیردیلر.

رستاق حاکمی محمد حسین حکیمی ناراض لیک نمایش لرنینگ یولگه قویگن کیشی لرنینگ زورمند انسان لر اتله ب، دولت دن قرضدار بولگن لری اوچون اهالی نینگ نمایش یولگه قوییشگه ترغیب قیلگن لر دیب ادعا قیلگن.

عین زمانده رستاق الوسوالی ایککی کیشی نینگ هلاک بولگنی اوچون،تورت کیشی نینگ عیب دار تانیب اوشله گنلیگی دن هم خبر بیرگن.

تخار نینگ رستاق اولوسوال لیگی نینگ خوف سیزلیک وضعیتی ایککی کون دن بیری جدی شکلده تامین لنگن.