تخار ولایتیده یوزبیرگن سوو تاشقینیده کمیده17 کیشی قربان بولگن

افغان مقاملریگه کوره تخار ولایتی نینگ اشکمش و چال اولسواللیک لریده یوزبیرگن سوو تاشقینی نیتجه سیده کمیده 17 کیشی هلاک بولگن.

رسمی معلومات لرگه کوره هلاک بولگن لردن اون ایککی ته سینی جسدلری تاپیلگن باشقه قالگن بیش کیشی درک سیز یوقالگن.

بوندن آلدین راق تخار ولایتی نینگ محلی رسمیلری تلفات لر رقمینی اوتیز کیشی دیشگن ایدی.

تخارولایتی نینگ ولایت حاکمی عبدالجبار تقوا بی بی سی بیلن بولگن صحبتیده یوزبیرگن سووتاشقینی ده قریب 50 کیشی قربان بولگنی ممکن لیگینی ایتگندی.

کینچه لیک تقوا جنابلری، منطقه ده ایتیب بارگن هیات معلومات لری اساسیده یوزبیرگن سوو تاشقنیده 17 کیشی قربان بولگن دیب اعلان قیلدی.

شونینگ دیک تخار حاکمی منطقه ده قوتقاروو عملیاتی دوام تارتیب کیله یاتگنینی ایتماقده.

معلومات لرگه کوره اشکمش تومنی نینگ "شیره "مان دره " قشلاق لریده جانی تلفات دن تشقری منطقه یشاوچیلرگه مالی خساره هم یتکزیلگنی ایتیله دی.

تخار رسمیلری یتکزیله یاتگن یاردملرنی قانیقرلی ایمس لیگینی اورغولب مرکزی حکومت دن یاردم چقریلگنینی معلوم قیلگن.

افغانستان نینگ شمالیده جایلشگن سرپل ولایتیده اوتگن هفته یوزبیرگن سوو تاشقنیده بیرقنچه انسان قربان بولیب اهالی گه مالی خساره یتکزیلگنی ایتیلگندی.

شونینگ دیک افغانستان نینگ باشقه بیرنیچه ولایت لریده هم ، جاری ییل یوزبیرگن سوو تاشقینلریده مردم گه ییرلیک خساره یتکزیلگن.