عالی تینچلیک کینگاشی نینگ مهم اعضالریدن بیری ترور ایتیلدی

Image copyright Reuters

افغانستان عالی تینچلیک کینگاشی نینگ مهم اعضالریدن ارسلا رحمانی پایتخت کابلده ناانیق قورالی شخص تمانیدن ترور ایتیلگن.

عینی حالده ارسلا رحمانی افغانستان سنا مجلیسی نینگ اعضاسی صفتیده هم فعالیت آلیب باررایدی.

ارسلا رحمانی بوگون ایرته لب اوزموتریده اویدن سنا مجلیسی قره ب کیته یاتگن بیر پیت کابل عالی اقویورت یقنده کی یولده قوراللی عصیانچی تمانیدن نشانگه آلنیب هلاک ایتیلگن.

کابل ولایتی نینگ پلیس باشلیغی محمد ایوب سالنگی ارسلا رحمانی، باشقه بیرموتر اچیدن نشانلگه آلگنینی ایتگن.

کابل پلیس گه کوره رحمانی جنابلرینی یوره گیده بیر مرمی اصابت قیلیشی بیلن درحال موتر ده هلاک بولگن.

اونینگ هیدوچی سی وقورویقچیلری گه قندی دیر ضرر یتکزیلگنی معلوم ایمس.

شونینگ دیک ارسلا رحمانی جانی گه سوی قصد اویشترگن شخص، منطقه دن قاچیب قوتیلگن.

یوزبیرگن، حادثه ده باشقه بیران بیرشخص گه ضرر ایتمه گنی ایتلماقده

رسمی لر حادثه یوزه سیدن تیکشرو ایشلر باشلنگنینی ایتگن.

شوندی حادثه مسوولیت لرینی اوزبوینگه آلیب کیلگن طالبان قوراللی لری ایسه ارسلا رحمان نینگ ترور ایتلیشی گه اوشبو گروه نینگ قولی بولمه گنینی معلوم قیلگن.

ارسلا رحمانی طالبان حاکمیتی دوریده افغانستان عالی تحصیل وزیرلیگی نینگ اورین باسری صفیتده بیرنچه مدت وظیفه آلیب بارگن، هرچند رحمانی جنابلری سونگی پیتلرده ایککی مهم وظیفه گه تعین ایتلیب، لیکن شوندی بولسه هم طالبان گروهی نینگ ایریم برنامه لریدن حمایت بیلدررایدی.

شونینگ دیک رحمانی جنابلری افغانستان عالی تینچلیک کینگاشی نینگ مهم اعضاسی صتفیده تعین ایتیلیب طالبان گروهی بیلن مذاکره الیب باریش مسله لریگه اساسی رولی بولگنی ایتیلرایدی

بوندن آلدین افغانستان، افغانستان عالی کینگاش باشلیغی برهان الدین ربانی اوز اویده انتحاری بیرشخص تمانیدن نشانگه آلنیب هلاک ایتیلدی. بوحادثه دن بیرنیچه آیی اوتگنیدن سونگ برهان الدین ربانی اوغلی صلاح الدین ربانی افغانستان عالی تینچلیک کینگاش باشلیغی صفتیده تعین ایتیلدی.