آلمان دولتی ملکی ساحه ده گی یاردملرینی ایککی برابرآشیرگن

kazai

آلمان دولتی نینگ تخنیکی همکارلیکلر اداره سی نینگ مسوللریگه کوره افغانستانده کی ملکی ساحه ده گی یاردملرینی 2010 میلادی ییلدن کیین ایککی برابر آشیرگن.

معلومات لرگه کوره آلمان هرییلی 430 میلون یورو نینگ تورلی ساحه لرده مصرف قیلیب کیلماقده، آلمان دولتی نینگ اکثری فعالیت لری افغانستان نینگ شمال وشمال شرقی ولایت لریگه قره تیلگن. بوندن بویان هم ایککی اولکه اره سیده کی استراتیژیک پیمان اساسیده اوشبو اولکه نینگ فعالیت لری کوچیشی ممکن لیگی ایتلماقده.

معلوماتلرگه کوره،

افغانستان والمان اره سیده کی استراتیژیک پیمان 2014 میلادی ییلدن کیین المان دولتی نینگ افغانستانده کی ماموریتینی انیق لیدی.یعنی قندی وقیسی ساحه لرده یاردم بیریشی معلوم قیلینیشی ممکن.

المان دولتی تروریزم گه قرشی کوره شیش اوچون ناتو نینگ مهم اتفاق داشلریدن بیری بولیب سونگی اون ییل ده افغانستانده کیلگن اوزگریش لرگه اساسی رولی اوینب کیلگن.

عینی حالده آلمان دولتی افغانستان قیته قوریش توغریسده هم کتته حصصه قوشیب سونگی پیتلرده ملکی ساحه سیده کی یاردم لرینی ایککی برابرگه کوپیتیرگن.

آلمان دولتی نینگ تخنیکی همکارلیکلر بولیمی نینگ افغانستانده کی مسوول لریدن رولیف سیچروبیر هرییلی 430 مینگ یوروینی افغانستان نینگ بیش شمالی ولایتیده ناحربی تورلی ساحه لرده صرفله نیب کیلینه یاتگینینی ایتیب بوحقده شوندی فکربیلدیره دی"بیز بیش ولایتیده سوو برق ، قیته قوریش وقوریش بولیم لریده ایش آلیب بارماقده میز، شونینگدیک مکتب بینالرینی قوریش ومعلم تربیه لش بولیملریده هم برنامه لری میز بار، شونگه قوشیمچه شمالی ولایتلرده 2014 میلادی ییل گه چه یتتی یوز کیلومتر یول نینگ قیته قورماقچی میز، بوندن تشقری محلی دولتی اداره لریگه هم یاردم بیره میز."شونینگ دیک ناتو چوکاتیده فعالیت آلیب باره یاتگن آلمان لیک عسکرلر ترورچیلیک فعالیت لریگه قرشی کوره شیشدن تشقری افغان کوچلرینی مشق و تیارگرلیک لردن اوتکزیش اوچون هم کتته حصصه قوشیب کیلماقده.

آلمان امریکا و بریتانیا مملکت لریدن سونگ افغانستانده کوپ کوچی بولگن اوچینچی مملکت حسابله نه دی. اوشبو اولکه نینگ قریب بیش مینگ کوچی افغانستانده بولیب، فعالیت لری کوپراق مملکت نینگ شمالی ولایت لری گه قره تیلگن.

بوندن الدین افغانستان دولتی امریکا، بریتانیا ، فرانسه ، ایتالیا و هندوستان کبی دولت لر بیلن استراتیژیک همکارلیک پیمانی نی امضاله گندی. افغانستان دولتی بو کبی پیمان لرنینگ امضاله نیشی افغانستان منعفتی گه بولیشینی اورغولب کیلماقده . چونکی رسمیلرگه کوره چیت اییللیک کوچلر 2014 میلادی ییلدن کیین افغانستاننی ترک ایتیشی بیلن انه شو استراتیژیک پیمان لر اساسیده یاردمچی مملکت لر تورلی بولیم لرده اوز همکارلیک لرینی ریجه لنگن وقتی گه چه دوام بیریشی ممکن.

اما آلمان دولتی بیلن امضاله نیشی کوتیله یاتگن پیمان کوپراق قیته قوریش و افغان امنیتی کوچلری نینگ مشق و تیارگرلیک لردن اوتکزیش بولیم لریده قره تیلیشی ممکن لیگی ایتیلماقده.