مزار شهریده، عیاللر سپورت مشق لریگه قیزیقماقده لر

Image copyright none

افغانستانده خاتین- قیزلرنی جسمانی تربیه و سپورتگه کینگ جلب ایتیش بوییچه دییرلی مناسب ایشلر عملگه آشیریلگنلیگی کوزگه کورینماقده.

حاضر پایتخت کابل دن تشقری مملکت بیر قنچه ولایت لریده هم عیاللر اوچون سپورت سالونی فعالیت گه باشله گن.

بو ولایت لرنینگ بیری بلخ مرکزی مزار شریف شهری دیر. بو شهر ده حاضر گه قدر خاتین- قیزلر گه خاص نیچه سپورت مکانی موجود بولیب، تورلی خیل سپورت ایش لرینی کینگه یترماقده لر.

مهارت، مشغولات بیلن آشه دی دیگنلر.

مزار شریف شهریده گی سپورت سالونلری نینگ بیریده، سپورت کامپلیکسی فوتبال میدانی، یاپیق مشغولات ساحه سی شونینگ دیک کیره کلی اسباب- اسکونه لر بیلن جهازلنگن کتته سپورت میدانی جایلشگن شخصی بنا ده سپورتچی خاتین- قیزلر فعالیت آلیب باریشماقده.

اوشبو سپورت سالونی نینگ باش مربی سی شفیقه نیکزاد نینگ ایتیشچه مزار شریف ده گی خاتین – قیزلر قیزیقیش لری تورلی خیل سپورت ایش لریگه کوپه ییب کیتگن.

"مین اوچ آییدن بیری بو سپورت زلیده مربی اوله راق ایشله یپمن. اساسی مقصدیمیز یاشلرنی اینیقسه قیزلرنی سپورت و جسمانی تربیه بیلن شغللنیشگه ینه ده کوپراق جلب ایتیشدن عبارت. افغانستانده عیال قتلمی کوپراق سیمیزلیک دن شکایته ایکنلیکلرینی بیله سیز. معلوم که آرتیقچه وزن آلیش نینگ اوزی ایسه ساغلیککه ضرر ییتکزه دی. شومسله باعث هم کوپینچه شفاکارلر سپورت مشقلری قیلیب توریشنی مصلحت بیریشه دی."

مذکورمکانده سپورت قیلیش اوچون کیله یاتگن عیاللردن بیری، اینگ یخشی سپورت خصوصیتلرینی شکللنتیریشگه حرکت قیله یاتگنلیگینی ایته دی. شو نینگ دیک او، سپورت مشقلریگه باشله گنیدن ممنون ایکنی نی هم معلوم قیله دی، بیراق عادی خلق نینگ مناسبتیدن ایسه، کوپ هم خورسند ایمس.

"بیز اوچ آییدن بویان منه شو ییرگه کیله میز. چونکی سپورت، سلامتلیگیمیز اوچون مهم. اما مردم بونگه پروا قیلیشمه یدی. موتر هیده ب کیته یاتگن عیال، یاکی منه بیز کبی سپورت بیلن بند بولگن عیاللرگه اونچه لیک هم مثبت باقیشمه یدی. نیمه ایکن؟ عیال اوی- روزغار ایشیده بولیشی لازم. یوق، بونگه باش ایگیش ناتوغری، اصلیده یوکلیش اوچون اورینیشیمیز درکار."

طالبان حکومتی آغدریلگنیدن کیین، خاتین – قیز لر اوچون تورلی ساحه لرده زمینه یره تیلگن.

مذکور زمینه لرنینگ بیرته سی هم سپورت بولیمی دیر. اوتگن نیچه ییل جریانیده افغان قیزلری، تورلی خیل سپورت فعالیت لری بیلن مشغول بولیب، دنیا بویلب یولگه قوییله دیگن بیلله شو لرده قتنه شگن لر.

هرچند افغان قیز لری سپورت بولیمی ده اونچه لیک یوتوق لر قولگه کیریتمه گن لر، لیکن خلق ارا سپورت تشکیلات لری تمانیدن آلقیشلنیب کیلینماقده.