امریکا جمهوررییسی " قین کونلر" بیزنی کوتماقده دیب آگاه لنتیرگن

Image copyright na

شیکاگو یغنیده سوز یوریتگن امریکا جمهوررییسی باراک اوباما، خارجی کوچلرنینگ افغانستان دن آلیب چیقیشی کون تربیده تورگن اصلی ریجه سی ایکنینی اورغولب. افغانستانده "قین کونلر" بیزنی کوتماقده دیب آگاه لنتیرگن.

فرانسه جمهوررییسی فرانسوا اولاند، 2012- نچی م ییل آخری گه چه فرانسه لیک حربیلر افغانستاننی ترک ایتیشی نی ینه بیربار تکرار له گن.

ناتو کوچلری 2014- نچی م ییل آخرلریگه چه افغانستانده گی ماموریتینی بوتونلی افغان کوچلریگه تاپشریشنی ریجه لشترگن.

افغانستان جمهوررییسی حامدکرزی افغانستان اوز مسوولیت لریگه آگاه ایکنینی تاکیدله گن.

ناتو اعضالیگیده بولگن ایریم اولکه لر افغان امنیتی کوچلری اوچون مالی یاردم بیریشینی سوزبیریب 2014 - م .ییل دن سونگ هم افغانستان بیلن یقین همکار بولیشنی ایتگن.

ناتو نینگ باش کاتبی اندرس فو راسموسن، شیکاگو یغینده ایراد ایتگن سوزلریده، ناتو کوچلری نینگ ریجه لنگن وقتی گه افغانستاننی ترک ایتیشی گه ایشانچ بیلدیرگن.

شونینگ دیک امریکا جمهوررییسی باراک اوباما" ییریک قینچلیک لر" کوتماقده دیب، ناتو اعضالگیده بولگن اولکه لراوز منفعت لرینی بیرلشتریش کیره ک لیگینی تاکیدله گن.

عینی حالده اوباما جنابلری ناتووکیللریگه قره تیلگن سوزلریگه شوندی دیگن:" قوشمه خوف سزلیک لری میز اوچون فداکارلیک قیلدیک، بو ماموریت نی بیتریش اوچون متحد بولشی میز ممکن."

شیکاگو یغنیده افغانستان ، پاکستان جمهوررییس لری و ناتو اعضالیگی ده بولگن مملکت لرقوشیمچه 50 اولکه رهبرلری حصصه قوشگن.

صحبت لر باشله نیشی بیلن امریکا جمهوررییسی باراک اوباما طالبان حکومتی آغدریلگنیدن کیین افغانستانده کیلگن اوزگریشلر وامریکا مردمی نینگ صلح و تینچلیک اوچون کورسه تگن "ییریک فداکارلیک لریدن "سوز آچگن.

فرانسه جمهوررییسی دن تشقری ناتو نینگ باشقه بیرنیچه رهبرلری هم اوز عسکرلری نینگ افغانستاندن آلیب چیقیشی اوچون باسیم استیده.

شوندی ایکن، راسموسن جنابلری بوکبی حرکت لر خارجی کوچلرنینگ چیقیب کیتشی اوچون بیرینچی قدم لر دیب، خارجی کوچلرنینگ آلیب چیقیش ریجه سی بیلن قرشی بولمه گنینی ایتگن. او بی بی سی بیلن بولگن صحبتیده شوندی دیگن:" حاضر بیز، مسوولیت لرینی افغان کوچلریگه تاپشریش مرحله سیده میز، بو ریجه 2014- نچی میلادی ییلگه قدر نهایه تاپیشی ممکن، شو جریانده خارجی کوچلرنینگ چیقیب کیتیشی نی کوزه تیش ممکن، ماموریتی میز، حمایه ایتیش بولیم لریده اوزگره دی."

ایریم چیت ایللیک اولکه لر – جمله دن امریکا ، استرالیا، بریتانیا والمان – خارجی کوچلر افغانستاننی ترک ایتگنیدن سونگ هم افغان کوچلری اوچون یاردم بیریش وعده سی نی بیرگن.

افغان کوچلری اوچون هرییلی کیره ک لیگی تخمین ایتیلگن، تورت میلیارد دلار دن یرمی امریکا قوشمه ایالت لری تمانیدن بیریلیشی کوتیله دی.