بدخشان ولایتده گی ناراضیلیک نمایش

Image copyright none

بدخشان مرکزی فیض آباد شهریده ناتوکوچلری نینگ کیچکی عملیا تلریگه قرشی یولگه قوییلگن ناراضیلیک نمایش زوروانلیککه ایله نیب کیمیده اوچ نمایشچی یره لنگن.

ناراضیلیک نمایش بدخشان ولایتی نینگ عالی اقوویورت طلبه لری تمانیدن یولگه قوییلگن، نمایشچیلرگه کوره اوتگن کیچه ناتوکوچلری کیچکی عملیات یولگه قوییب، عالی اقویورت استادلریدن تورت کیشی و ایککی طلبه نی اوزلری بیلن بیرگه الیب کیتیشگن.

نمایش یولگه قوییگن طلبه لر، ولایت حاکمی وباشقه دولت نینگ یوقاری مرتبه لی ادملرینی کفایت سیزلیککه عیبلب، ناتو تامانیدن حیبسگه آلینگن شخص لرنی قوییب یوباریلیشینی طلب قیلدیلر.

عینی حالده نمایشچیلر پلیس تمانیدن هوای اوق اچیلیب، همده پلیس تامانیدن کمیده اوچ نمایشچی قتیغ کلتک له نیب تن جراجتی الگنینی ادعا قیلگنلر.لیکن بدخشان رسمیلری بوکبی ادعالرنی رد ایتیشگن.

بدخشان ولایتی نینگ امنیت امری دگراول سخی داد بی بی سی بیلن بولگن صحبت لریده مذکور عملیات نینگ کیچه ساعت 1 دن 3 گه قدرشهراطرافیده یولگه قوییلگن لیگی نی تأکیدلب عملیات باره سیده آلدیندن قنده ی دیر معلومات گه ایگه ایمس لیکلرینی ایتگن.

شونینگ دیک سخی داد جنابلری نینگ معلوم قیلیشیچه ناتو کوچلری تامانیدن حبسگه آلینگن شخص لر نینگ برچه سی بدخشان اهالی سی بولگن لر.

عینی حالده نمایشچیلر اگرده دولت اولرنینگ ایستک لریگه شنبه کونگه قدر قانیقرلی جواب بیرمه سه قیته کینگ نمایش یولگه قوییشلری بیلن آگاه لنتیرگن.