"ناتوی نینگ هوای هجومده کمیده سککیز تینچ فقرا قربان بولگن"

Image copyright

رسمیلرگه کوره کونی کیچه پکتیا ولایتی نینگ گرده سری اولسواللگیده ناتو کوچلری تامانیدن عملگه آشریلگن هوای هجومده کمیده سککیز کیشی قربان بولگن.

پکتیا ولایتی نینگ ولایت حاکمی سوزچیسی روح الله سمون هلاک بولگنلر بیر عایله اعضاسی ایکنینی ایتگن.

سمون جنابلریگه بیر عایله اعضا سی بولگن بیرعیال، عمر یولداشی والتی یاش فرزندی بیلن بیرگه قربان بولگن.

عینی حالده ولایت حاکمی سوزچیسی قربان بولگن شخصلر عصیانچی گروه لربیلن علاقه ده بولمه گنینی تاکیدله گن.

ناتو اوچاق لری تمانیدن نشان گه توتلگن بو اوی دن آز گینه اوزاق لیک ده ، ناتو قوت لری تمانیدن عصیانچی گروه لرگه قرشی حربی عملیات دوام ایتیب باریشی دن انیق معلوماتلرهم قولگه کلگن.

ناتو کوچلری نینگ سوزچیلریدن بیری اوشبو هجومده عادی اهالی قربان بولگن دیگن ادعالرنی انیق لش اوچون تیکشروو ایشلر آلیب باریلیشیدن خبربیرگن

"گرده سری " ولسوال لیگی پکتیا ولایتی نینگ اینگ اوزاق توشگن و تاغلی منطقه لری جمله سیدن بولگن .

بو ولایت اوتمیش لرده هم کوپ گینه ناقرارلیک لرگه گواه بولیب ، عصیانچی گروه لر اونده کوزگه کورنرلیچه نفوذ قلگنیدن خواطیر بیلدیریلگن.

پکتیا ولایتی ده فعالیت آلیب باره یاتگن خارجی کوچلرنینگ اکثریتی امریکالیک لر بولگن.

افغان رسمیلری خارجی کوچلر نینگ حربی عملیات لری جریانیده هر دایم عادی اهالی قربان بوله یاتگنیدن خواطر بیلدریب کیلگن. افغانستان جمهوررییسی حامدکرزی بوخصوصده بیلدیرگن اینگ سونگی بیاناتیده ،حربی عملیاتلرده اهالی تلفاتی آلدی الینمه سه بو مسله افغانستان و امریکا اره گی استراتیژیک پیمان اوچون هم منفعی تاثیر قوییشی ممکن لیگینی ایتگندی.