تالقان شهریده جایلشگن بی بی هاجره مکتبیده گی قیز طلبه لر ینه زهرلنگن

Image copyright bbcuzbek

تخارولایتی نیننگ عامه ساغلیک رییسی حفیظ الله صافی نینگ ایتیشچه، قرق دن آرتیق زهرلنگن قیز طلبه حاضرگه چه کسلخانه گه آلیب کیلینگن.زهرلنگن طلبه لر سانی بوندن کوره هم کوپ بولیشی ممکن لیگی ایتیله دی.

معلومات لرگه کوره قیز طلبه لر مکتب صنف لریگه باریشلری بیلن هوشدن کیتگن. مسوول کیشی لر ایسه زهرلنگن قیز طلبه لر وضعیتی آغیر ایمسلیگینی ایتگنلر.

بی بی هاجره مکتبیده بوندن بیرنیچه کون الدین هم یوزدن آرتیق قیز طلبه زهرلنگندی.

هرچند محلی رسمیلر، زهرله نیش حادثه سی حاضرگه قدر هم بیلیگی لنمه گن دیب بونگه عامل نیمه بولگنینی انیق لش اوچون جدی سعی حرکتلر باشلنگنیدن خبربیرگن.

Image copyright bbcuzbek
Image caption زهرلنگن طلبه لرعایله لری محلی رسمیلر نی شوندی حادثه لر آلدینی الیشگه اعتبار بیرمه یاتگینیگه عیبلب چیققن

زهرلنگن قیزطلبه لر عایله لری رسمیلرنی کفایت سیزلیککه عیبلب، حادثه ده عامل نیمه بولگنی زودلیک بیلن انیق له نیشینی طلب قیلگنلر.

عینی حالده اولر، اگرده محلی رسمیلر بوخصوصده اعتبار قره تمه سه، قیزلرینی مکتب باریشیگه ایزین بیرمسلیکلری بیلن آگاه لنتیرگن.

محلده گی بی بی سی خبرنگاری مبین غفوری نینگ ایتیشچه، بی بی هاجره ناملی قیزلرمکتبی مخصوص بیر بیناگه ایگه بولمی ، کرایه آلینگن اویلردن بیریده فعالیت آلیب بارماقده.

معارف رسمیلری بی بی هاجره مکتبی اوچون مناسب بیر اوینی کرایه آلینیشی گه سعی قیله یاتگن لیکلرینی سوزبیرگن.

بوندن بیرقنچه مدت آلدین هم تخارولایتی نینگ رستاق تومنیده یوزدن آرتیق قیز طلبه لر زهرلنگندی. تخار رسمیلری، آلیب باریلگن تیکشروو نتیجه لرینی اعلان قیلیب، رستاق تومنیده گی زهرله نیش حادثه سی سوو مکروبی بولگنیدن کیلیب چیققنینی ایتگندی.

سونگی پیتلرده نه فقط تخار بلکه افغانستان بویلب ، قیزلر درس کوریب کیله یاتگن مکتبلرده شوندی زهرله نیش حادثه لری کوپ یوزبیرماقده. بوایسه قطار خواطرلرگه سبب بولگن.

شوندی حادثه لرآرقه سیده کیملرقولی بولگنی حاضرگه قدر هم انیق لنمه گن، طالبان عصیانچیلری هم بوکبی عمللرگه قوللری بولمه گنینی ایتگنلر.